Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Artistët shqiptarë dhe serbë, bashkë në operën “Carmen”

Postuar: 25/09/2018 - 07:59

Opera “Carmen” zyrtarisht realizon aktin e parë të protokollit të bashkëpunimit të TOB me Teatrin Nacional të Operës, Baletit dhe Dramës së Beogradit. Vepra e George Bizet vjen në skenë nga një kastë artistë të njohur shqiptarë dhe serbë dhe do të jetë në Pallatin e Kongreseve mbrëmjet e datave 27, 28, 29 dhe 30 shtator. Drejtoresha e përgjithshme e TOB, Zana Çela dhe drejtori i përgjithshëm i Operës së Serbisë, Dejan Savic prezantuan kalendarin e bashkëpunimit, i cili do të përqendrohet në shkëmbimin e artistëve shqiptarë dhe serb në produksionet e të dy teatrove, për ti hapur rrugën kështu që vitin e ardhshëm të dy teatrot të realizojnë bashkëprodhimin e parë. Drejtoresha Zana Çela në fjalën e saj theksoi mesazhet e forta të kësaj vepre

. “Carmen” rezonon me audiencat e sotme, sepse shoqëria jonë është plot me histori të njerëzve të thjeshtë, të cilëve u është lënë të kuptohet se me gjithë përpjekjet e shumta, nuk mund të bëhen pjesë e rrethit të shoqërisë së lartë, për shkak të racës, seksit, besimit, moshës, apo çfarëdo kufizimi tjetër që vetë njerëzit venë ndaj njëri-tjetrit. Veçanërisht gratë janë aty, përballë seksizmit mashkullor, që nga Hollywood-i, ku aktoret luftojnë për karrierat e tyre dhe deri tek korporatat apo institucione të tjera, ku për të ecur përpara ju duhet të thyejnë barrierën e "tavanit të qelqtë", po të përdorim një metaforë të WallStreet të 50 vjetëve më parë”, tha drejtoresha Çela. Sipas saj, me alegorinë e saj, historia e “Carmen” i përfshin të gjitha këto histori të ndryshimit të statusit në shoqëri.

“Në këtë rivënie kemi kaste të përbashkëta artistësh të TKOB dhe Teatrit Nacional të Operës së Beogradit, të cilët kanë krijuar karaktere fantastike, sepse nuk ka një mënyrë të vetme për të interpretuar rolet e operës “Carmen”, pasi çdo këngëtar i shpreh ato sipas eksperiencës dhe frymëzimit, që merr nga shoqëria ku jeton”, vijoi Çela. I pranishëm në Tiranë për veprën, drejtori i përgjithshëm i teatrit të Serbisë, Dejan Savic theksoi se ky bashkëpunim është shembulli se si duhet të veprojnë edhe institucionet e tjera. “Jemi shumë afër. Përveçse gjejmë një qytet të jashtëzakonshëm dhe me diell, ndryshe nga Beogradi ku sot bie shi, gjejmë një teatër dhe një bashkëpunim të shkëlqyer”, vijoi drejtori Savic. Tema e operës bazohet në nevojën absolute të Carmen për liri dhe insistimin e saj në marrëdhënie të bazuar në pavarësi të plotë.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 25/06/2019 - 07:28

Në Ministrinë e Kulturës ka nisur punëtoria "Mbrojtja e Trashëgimisë Kulturore Jomateriale dhe inventarizimi i saj me bazë komunitetin". Aktiviteti që nisi dje do të vazhdojë deri më 28 qershor.

Postuar: 25/06/2019 - 07:26

Në galerinë FAB u çel ekspozita vjetore “OP Fashion atelie”, me diplomat bachelor të

Postuar: 25/06/2019 - 07:25

 Teatri Kombëtar Eksperimental “Kujtim Spahivgoli” gjatë këtij sezoni artistik k

Postuar: 23/06/2019 - 08:03

 "Open Cinema" sezonin e tretë e nisi në qytetin e Belshit, ku për shtatë net me r

Postuar: 23/06/2019 - 08:02

Festivali “Fabrika e pejzazheve muzikore” po vijon me koncertet e tij në skena.

Postuar: 23/06/2019 - 07:59

 Në jetën artistike me teatrin regjisori Dhimitër Orogocka po vijon aktivitetin e tij, duke

Postuar: 22/06/2019 - 07:32

Festival “Open on Tour” po vijon në skena të ndryshme të vendit.