Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Atelieja e Restaurimit nis në kishën e Shën Kostandinit dhe Helenës

Postuar: 26/06/2019 - 07:32

Atelieja e Restaurimit “Konservimi i pikturës murale në kishën e Shën Kostandinit dhe Helenës, Berat, Shqipëri” po zhvillohet në Berat. Kjo atelie do të zgjasë 2 javë dhe do të zhvillohet në datat 24 qershor- 5 korrik. Dita e parë e këtij trajnimi u zhvillua në kishën e “Shën Kostandinit dhe Helenës”, në Lagjen Kala, Berat. Kjo kishë mirëpriti 11 pjesëmarrësit nga Shqipëria, Kosova dhe Spanja në Atelienë e Restaurimit. Pjesëmarrësit gjatë këtyre ditëve do shkëmbejnë eksperienca dhe do specializohen në njohje e vlerave të rralla të trashëgimisë sonë kulturore, materiale e shpirtërore. Të pranishëm në hapjen e kampit ishin Drejtoresha e Institutit të Monumenteve të Kulturës Arta Dollani dhe Drejtori i Drejtorisë Rajonale të Kulturës Kombëtare-Berat Eugen Kallfani. Kisha e Shën Kostandinit dhe Helenes është e ndërtuar në anën perëndimore të lagjes Kala, pranë shtëpive të banimit, vëllimi i të cilës nuk shquhet në mjedisin, që e rrethon pasi i është përshtatur arkitekturës së banesave. Kisha paraprihet nga një oborr dhe nga falorja. Përbëhet nga naosi kthina e altarit si dhe nga absida gjysmë rrethore. Objekti ruan piktura murale, të cilat datohen nga mbishkrimi në portën V në vitin 1639. Pikturat kanë tematikë biblike. Në këtë kishë është pikturuar dhe portreti i Kostandinit, emrin e të cilit mbanë kisha, i cili është dukë u restauruar. Dyshemeja është e dekoruar me mozaik dhe ka në qendër një katror me vizatime gjeometrike prej pllakash guri dhe tullash katrore. Ndriçohet vetëm nga një dritare në anë perëndimore. Në Berat ka dhe të tjera kisha që janë objekte të trashëgimisë kulturore. Përmendim kishën e Shën Kollit e ndërtuar në shek. XVI. Datimi vërtetohet nga mbishkrimi i pikturimit me 1591 mbi portën veriore. Por nga gërmimet arkeologjike të bëra në apsidën e kishës u vërejt se muret e kësaj kishe i përkisnin shekullit të XI. Kisha e Shën Todrit është e hershme e rindërtuar mbi rrënojat e një kishe paleokristiane,  e cila vërtetohet nga një kolonë e vogël me kapitel të vendosur përmbys te dritarja e absidës së kishës. Kisha e Shën Mëri Vllahernës është një nga më të vjetra të ndërtuara në qytetin e Beratit. Arkitektura ruan formën e rikonstruksionit të  gjysmës së dytë të shek. XV. Ndërtimi i hershëm i shek XIII-XIV i përket tipit të kishave bizantine me formën e kryqit të brendashkruar me kupolë, e cila është zëvendësuar me çati.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/11/2019 - 07:35

Galeria Kombëtare e Arteve zhvillon më datë 22 nëntor një bisedë me studiuesin Primo Shllaku. GKA bën me dije se është e fundit në ciklin e bisedave, që ka shoqëruar ekspozitën “Prova” të Adrian Pacit.

Postuar: 19/11/2019 - 07:34

"Rrjedh në këngë e ligjërime" është koncerti, që i dedikohet krijimtarisë së kompozitor

Postuar: 19/11/2019 - 07:32

Ekspozita “Në udhëtim me Edward Lear në Shqipëri” çelet për publikun në galerinë &ldq

Postuar: 19/11/2019 - 07:30

Muzeu Arkeologjik në Tiranë për specialistë të ndryshëm kërkon një investim nga shteti, për të da

Postuar: 17/11/2019 - 08:02

Besnik Mustafaj me romanin “Dëmtuar gjatë rrugës” u shpall “Autori i vitit&rdqu

Postuar: 17/11/2019 - 08:01

Tragjedia "Medea" e Euripidit për dy mbrëmje me radhë do të jetë në skenën e teatrit &l

Postuar: 17/11/2019 - 07:58

Artistët  të ndryshëm në vend shprehen se janë të përbuzur nga institucionet.