Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Babai i Sislej Xhafajt, një muaj me ekspozitë në Tiranë

Postuar: 13/09/2017 - 07:47

"Autobiografia" quhet ekspozita e piktorit kosovar Xhevdet Xhafaj, që do të çelet nga 14 Shtator deri më 14 Tetor në Galerinë e Kombëtare të Arteve në Tiranë. Veprat e artistit, që prej vitesh ekspozohen në Galeritë e Europës, do të prezantohen në Galerinë Kombëtare sipas konceptit kuratorial të James Walmsley-it. Galeria Kombëtare e Arteve, njofton se ekspozita është realizuar në kuadër të kalendarit të përbashkët kulturor të dy ministrive përgjegjëse të Kosovës dhe Shqipërisë dhe ceremonia e hapjes së saj do të bëhet në më 14 shtator në orën 19:30. Sipas kuratorit James Walmsley: “Xhevdet Xhafa ka qenë pjesëmarrës në shumë ekspozita internacionale ku ka fituar mirënjohje të shumta dhe është mirëpritur si artist. Nga ato do të veçohen: Ekspozita kolektive në Rockfeller Gallery në New York, ku veçohen veprat e Xhafës. Ekspozita e arteve bashkëkohore në Wellington/Sidney –Australia ku marrin pjesë shumë artist me mëse 100 piktura, skulptura edhe foto artistike. Kritiku francez Oskland Strari ka thënë për Xhevdet Xhafaj se arti jugosllav nuk paraqet fuqi botërore në aspektin artistik, megjithatë ka disa artistë, rëndësia e të cilëve i tejkalon kufijtë e tij. Ky kritik përmend veprat e Shutelit, Xhafës, Rotarit dhe Abramoviçit. Për të njohur më shumë veprimtarinë e Xhafaj organizatorët e ekspozitës kujtojnë prezantimin e tij në Galerinë moderne të arteve bashkëkohore në Romë, ku pjesëmarrës ishin 60 krijues, duke u shprehur më tej se Xhafaj prapë veçohej në mesin e 11 artistëve edhe kur u hap ekspozita Alternative e Artit tonë bashkëkohor në Vjenë, Austri, ku përsëri artisti u cilësua si shembull i individualitetit tonë në rrafshin e artit bashkëkohor.

/Agjensia e Lajmeve Sot News/

Na Beni Like Ne Facebook: 
Total votes: 14

Lajme nga e njejta kategori

Postuar: 20/11/2017 - 11:44

Po zhvillohen homazhet nisur në orën 11:00 në nder të kompozitorit të njohur Aleksandër Lalo, i cili u nda nga jeta pas një ataku kardiak.

Homazhet do të mbahen në hollin e Televizionit Shqiptar ndërsa në orën 13:00 do të jetë përcjellja për në banesën e fundit.

Postuar: 19/11/2017 - 08:06

Juria e Panairit të Librit shpalli fituesit e edicionit të njëzet.

Postuar: 19/11/2017 - 08:05

Ekspozita "Tirana urbane grafike" u çel në Muzeun Historik Kombëtar me punime të autorit të njohur Rakip Shabani.

Postuar: 19/11/2017 - 08:01

Gjashtë dekada Ansambli Kombëtar u shënuan përmes koncertit në skenën e Teatrit Kombëtar.

Postuar: 18/11/2017 - 07:50

Në Universitetin e Arteve krijimtaria e kompozitorit  Feim Ibrahimi erdhi në kuadër të festivalit ndërkombëtar “Pianodrom”.  Një videoprojeksion-leksion, m

Postuar: 18/11/2017 - 07:49

"Emigrantët" një shfaqje që aq shumë sjell një realitet të prekur nga ne mbërrin për publikun në skenën e Teatrit Kombëtar Eksperimental “Kujtim Spahivogli&rdquo

Postuar: 18/11/2017 - 07:47

Aktiviteti “Takim brezash” u zhvillua në shesh me një sfilatë me veshje tradicionale të viteve ‘800, veshje të reja të modeluara nga nxënësit e gjimnazeve të k