Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Banesat rrënohen në Gjirokastër, Kumbaro: Ka kaluar faza e emergjencës

Postuar: 09/12/2017 - 08:16

Banesa Kale në lagjen Pllakë në Gjirokastër drejt rrënimit të plotë, por për Ministrinë e Kulturës faza e emergjencës ka kaluar. E kur në këtë situatë gjendja në qendrën historike të Gjirokastrës është mjaft problematike, Ministria e Kulturës nuk po merr parasysh shqetësimet e specialistëve të fushës. Banesa Kale në lagjen Pllakë daton e vitit 1884. Një nga më karakteristiket e lagjes Pllakë në hyrje të qytetit e braktisur dhe gati për t’u rrënuar. Ministrja e Kulturës, Mirela Kumbaro në korrik të këtij viti është shprehur se rreziku për monumentet ka kaluar, ndërsa në Gjirokastër banesat monument kulture po rrënohen. Së fundmi në Gjirokastër është rrënuar një monument tjetër dhe tre të tjerë rrezikohen nga momenti në moment. Ministrja Kumbaro ka pohuar se “ndryshimi më i madh në trashëgiminë kulturore mbetet kalimi nga faza e emergjencës, (ku për dy vite rresht ndërhymë në objektet dhe monumentet me rrezikshmëri të lartë) në fazën e rijetëzimit të monumenteve duke e parë trashëgiminë si motor zhvillimi”, por banesa Lolomani në lagjen Pazari i Vjetër, monument i kategorisë së dytë në Gjirokastër u rrëzua nga shirat e ditëve të fundit. Në 15 janar të 2016 u rrëzua dhe banesa Lolomani e kategorisë së parë në lagjen Varrosh. “Të dyja këto objekte janë relatuar si tepër në risk dhe për fatin e keq shqetësimi nuk u mor për bazë dhe sot kemi dy monumente të jashtëzakonshëm të humbur”, pohojnë specialistë të trashëgimisë. Shembjet e banesave në qytetin e Gjirokastrës kanë bërë që familjet të jetojnë me frikë. Kjo duket dhe në lagjen Cfakë të Gjirokastrës, ku bëhet e ditur se janë dy familje që jetojnë nën frikën e shembjes së shtëpive. Nedret dhe Merita Kasi thonë se rrëshqitja e dherave ka krijuar çarje të mureve. Të tjera banesa rrezikojnë shembjen në qytetin e gurtë dhe disa prej tyre po braktisen. Drejtori i Shërbimit Gjeologjik në Gjirokastër Cane Nora pohon se nevojiten financime për të dalë nga situata e përmbytjeve. "Reshjet ishin të pandeshura më parë, rreth 260 mm për 24 orë dhe pasojat janë të mëdha", thotë Nora. Por në këto kushte drejtori i Shërbimit Gjeologjik në Gjirokastër tregon se duhen të tjera masa për të përballuar situatën. "Dimri sapo ka filluar dhe duhen përgatitje për të përballuar reshje të tjera", vijon më tej Cane Nora.  

/Agjensia e Lajmeve Sot News/

Na Beni Like Ne Facebook: 
Total votes: 11

Lajme nga e njejta kategori

Postuar: 20/06/2018 - 19:43

Aktori i njohur Arben Derhemi mori fjalën sot gjatë protestës së ditë për ditshme të artistëve kundër prishjes së Teatrit Kombëtar.

Postuar: 20/06/2018 - 07:45

Ministria e Kulturës bën me dije se ka nisur puna për restaurimin e Banesës së Vëllezërve Frashër

Postuar: 20/06/2018 - 07:44

Festivali i Komedisë ka nisur në Mitrovicë, me karakter garues në të cilin marrin pjesë trupa tea

Postuar: 20/06/2018 - 07:43

Ministrat e Kulturës, Mirela Kumbaro Furxhi dhe Kujtim Gashi nënshkruajnë kalendarin kulturor Shq

Postuar: 20/06/2018 - 07:41

Artistët vijojnë  protestat e tyre në mbrojtje të pronës publike dhe Teatrit Kombëtar.

Postuar: 19/06/2018 - 22:54

Aktori i njohur i Portokallisë, Marin Orhanasi ka reaguar mesditën e sotme kundër Avokates së P

Postuar: 19/06/2018 - 21:39

Maks Velo ka përmendur edhe kompaninë “Fusha”, e cila pritet të rrafshojë ndërtesën