Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Bisedat në Art House School nisin në 24 gusht, artistët Rizzi dhe Laita rrëfejnë për librin

Postuar: 23/08/2019 - 07:55

Biseda e parë në Art House School do të bëhet me artistët Chiaralice Rizzi dhe Alessandro Laita. Ajo do të zhvillohet në datën 24 gusht në orën 19:00. Biseda do të fokusohet në prezantimin e librit të tyre “Live in the house and it will not fall down”. Ky libër është mbështetur nga Lewis Baltz Research Fund, publikuar nga MACK London (2016)dhe vjen si një galeri fragmentesh, një përmbledhje kujtimesh, historive njerëzore, e një shtëpie, e një qyteti të ndërtuar me imazhe nga arkivi fotografik i artistit venecian Bruno Rizzi i cili është ndarë nga jeta në vitin 2004. Duke kaluar kohë në studion e tij në Venezia, Laita dhe Rizzi ndërhyjnë me delikatesë në gjeologjinë që qëndron nën grumbujt me letra, kartolina, fotografi të sedimentuara ndër vite që na shërbejnë si gjurmë të jetës së artistit në sintoni me rrymat e qeta të qytetit lundrues. Chiaralice RIZZI dhe Alessandro LAITA kanë studiuar për arte vizuale në IUAV, Venecia. Nga 2010-2015, kanë punuar në të njëjtin fakultet me Lewis Baltz dhe Adrian Paci, si asistentë profesorë. Praktika e tyre zhvillohet rreth tematikës së peizazhit, kujtesës, përfaqësimit dhe investigimit të mundësive që përfshihen në “gjërat” që përcaktojnë dhe e bëjnë botën të hapur e njëkohësisht të panjohur, duke iu çasur vendit ku emrat dhe gjërat bëhen bashkë dhe hapin potencialin e së kaluarës tonë të bashkëndarë. Puna e tyre qëndron në reflektimin mbi fenomenin e pranishëm duke sfiduar edhe idenë e fotografisë si vërtetësi. Në 2016-ën, kanë fituar çmimin Lewis Baltz Research Fund dhe kanë publikuar librin e tyre të parë me MACK (London). Po ashtu, ata janë fitues të disa bursave të studimit dhe rezidencave artistike në Venecia (Fondazione Bevilacqua La Masa - Itali), Winterthur (Villa Straüli - Zvicër), YADDO (Saratoga Springs – SHBA), Citè Internationale des Arts (Paris - Francë). Artistët jetojnë mes Milanos dhe Venecias.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/11/2019 - 07:35

Galeria Kombëtare e Arteve zhvillon më datë 22 nëntor një bisedë me studiuesin Primo Shllaku. GKA bën me dije se është e fundit në ciklin e bisedave, që ka shoqëruar ekspozitën “Prova” të Adrian Pacit.

Postuar: 19/11/2019 - 07:34

"Rrjedh në këngë e ligjërime" është koncerti, që i dedikohet krijimtarisë së kompozitor

Postuar: 19/11/2019 - 07:32

Ekspozita “Në udhëtim me Edward Lear në Shqipëri” çelet për publikun në galerinë &ldq

Postuar: 19/11/2019 - 07:30

Muzeu Arkeologjik në Tiranë për specialistë të ndryshëm kërkon një investim nga shteti, për të da

Postuar: 17/11/2019 - 08:02

Besnik Mustafaj me romanin “Dëmtuar gjatë rrugës” u shpall “Autori i vitit&rdqu

Postuar: 17/11/2019 - 08:01

Tragjedia "Medea" e Euripidit për dy mbrëmje me radhë do të jetë në skenën e teatrit &l

Postuar: 17/11/2019 - 07:58

Artistët  të ndryshëm në vend shprehen se janë të përbuzur nga institucionet.