Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Bujar Alimani me “Delegacionin”, për herë të tretë në garën për Oscar

Postuar: 21/09/2019 - 07:35

Shqipëria përfaqësohet me filmin “Delegacioni” në garën për Oscar. Komisioni i ngritur nga Qendra Kombëtare e Kinematografisë ka vendosur unanimisht me shumicë absolute votash, në votim të hapur të zgjedhë filmin “Delegacioni”, me regji të Bujar Alimanit dhe skenar të Artan Minarollit, prodhuar nga Emir Turkeshi Gramo, si kandidatin e sivjetshëm shqiptar për “Filmin Artistik Ndërkombëtar” më të mirë në AMPAS. Pas premierës, fitores së çmimit të madh në Varshavë, “Delegacioni” është përzgjedhur ndërkohë në mbi 16 festivale ndërkombëtare, në të cilat ka fituar 11 çmime. Kjo është hera e tretë, që regjisori Bujar Alimani përfaqëson Shqipërinë në garën për “Oscar” me filmat e tij. Hera e parë ka qenë me filmin “Amnistia”, kur u zgjodh në vitin 2011 dhe përfaqësoi Shqipërinë në këtë garë çmimesh në vitin 2012. Më pas ishte me filmin e tij “Krom” në 2016, ku konkurroi në 2017 dhe tashmë me filmin “Delegacioni”, ku gara për çmimet është vitin që vjen. Këto ditë regjisori Alimani ndodhej edhe në Ulqin, ku prezantoi filmin në festivalin “Seanema Film Festival”. Filmi “Delegacioni” i nis ngjarjet në tetor 1990, regjimi komunist në Shqipëri po përpiqet të mbajë pushtetin. Një delegacion evropian vjen në Tiranë për të monitoruar zbatimin e reformave të qeverisë, një parakusht i madh që Shqipëria të pranohet në OSBE. Leo është marrë fshehurazi nga një burg i largët dhe është sjellë në kryeqytet. Ai ka qenë një i burgosur politik për 15 vjet. Tani ai është bërë jashtëzakonisht i vlefshëm për qeverinë. Delegacioni evropian udhëhiqet nga një shok i shkollës së vjetër të Leos. Detyra e tij është të kontrollojë progresin e të drejtave të njeriut në Shqipëri. Leo mund ta bindë atë se gjithçka është në rregull. Por asgjë nuk shkon siç është planifikuar. Për regjisorin Alimani filmi përcjell mesazhe të forta. Në reagimin e tij më herët regjisori ka treguar se edhe sot shoqëria vuan pasojat e atij sistemi, që lamë pas, por këtë herë me një formë të re. Në film luajnë aktorët Viktor Zhusti, Xhevdet Ferri, Ndriçim Xhepa, Richard Sammel, Kasem Hoxha, ndërsa nga Kosova në film paraqiten aktorët Bislim Muçaj, Selman Lokaj, Avdullah Gjikokaj, Fatlume Bunjaku, Armend Ismajli, Gani Morina, Artan Selimi, Imer Loshi.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/10/2019 - 07:28

 Orkestra e Harqeve e qytetit të Vlorës, nën dirizhimin e Oleg Arapit, vjen këtë mbrëmje me një koncert homazh në teatrin “Petro Marko”.

Postuar: 19/10/2019 - 07:27

Komedia “Karagjozi” shkruar nga Skënder Guri erdhi premierë në skenën e teatrit Metro

Postuar: 19/10/2019 - 07:25

 Teatri Kombëtar këtë sezon artistik e çeli me veprën teatrore “Xhelatët”.

Postuar: 19/10/2019 - 07:24

Ministria e Kulturës nuk mbështet krijimtarinë muzikore shqiptare.

Postuar: 18/10/2019 - 07:37

Aktiviteti kinematografik “Netët e kinemasë Europiane” ka nisur këtë sezon në qytetin

Postuar: 18/10/2019 - 07:36

Teatri i Kukullave në Tiranë nisi këtë sezon artistik projektin e ri “Ora e përrallave&rdqu

Postuar: 18/10/2019 - 07:35

Teatri Kombëtar Eksperimental "Kujtim Spahivogli" rikthen për publikun veprën teatrore