Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Çelet ekspozita “PranverArt”, veprat e 81 artistëve ekspozohen për herë të parë në muze

Postuar: 16/04/2019 - 07:30

Ekspozita “PranverArt” u çel për publikun në Muzeun Historik Kombëtar. Ekspozita vjen në përvjetorin e dhjetë të saj me punime në pikturë, skulpturë, reliev dhe grafika. Veprat e 81 artistëve të njohur, por dhe artistëve të rinj janë ekspozuar për herë të parë për publikun në edicionin e dhjetë të “PranverArt”. Këtë vit ekspozita është me organizim dhe e kuruar nga artistët Llazar Taçi dhe Maksim Bushi, që dhe më parë janë marrë me zhvillimin e saj. Kjo ekspozitë prej vitesh i shtohet jetës artistike në Tiranë, ku vepra të ndryshme të artit prezantohen për herë të parë për publikun. Gjini dhe zhanre të ndryshme, punime të realizuara gjatë viteve të fundit apo dhe gjatë 2019 do të qëndrojnë për publikun deri më datë 24 prill në Muzeun Historik Kombëtar. Piktori i njohur Gëzim Zoto në këtë ekspozitë prezantohet me një pikturë në përmasat 89 x 120 vaj në kanavacë të realizuar gjatë muajve të fundit. Ai tregon se ka punuar 200 orë për realizimin e saj. Për piktorin Gëzim Zoto ekspozita që po zhvillohet në Tiranë këto ditë është me rëndësi për artistët e artit figurativ në vend. “Ekspozita “PranverArt” është eveniment i rëndësishëm në artin figurativ shqiptar. Falënderoj organizatorët që më ftuan të marr pjesë për herë të pestë si pjesëmarrës në këtë ekspozitë”, tregon piktori. Ndërsa skulptori Idriz Balani gjithashtu tregon se prezantohet me dy punë që prezantohen për herë të parë. “Unë kam një bazoreliev kushtuar një kolegu tim, piktori Bujar Lila, ku kam portretin e tij. Ka një dimension diku te 60 me 40 metra katror. Unë gjithmonë ekspozoj vepra për herë të parë dhe këtë vit po ashtu. Kjo punë është bërë gjatë këtij viti dhe për herë të parë prezantohet për publikun. Një vepër kushtuar kolegut tim që merr pjesë në këtë ekspozitë edhe vetë me një natyrë të qetë me shegë shumë interesante. Jemi shokë prej fëmijërie dhe unë i kushtova veprën time. Po ashtu kam prezantuar dhe një portret të Hasan Prishtinës, që është punuar para dy vitesh dhe ekspozohet në këtë ekspozitë te muzeu”, tregon skulptori Balani.

“PranverArt” ndër vite

 Ekspozita “PranverArt” është një aktivitet, që e ka zanafillën që më 1972 dhe që pati të njëjtin fat si Festivali i 11, pati vetëm një vit jetë në kohën e diktaturës, sepse ajo u ndërpre nga regjimi i kohës. Vetëm para disa vitesh një grup artistësh bëhen bashkë dhe e rikthejnë si pjesë e jetës artistike. Ky aktivitet është ideuar si një veprimtari kombëtare për të mundësuar ekspozimin e veprave të artit, përmes tij, inkurajimin dhe motivimin e krijuesve të lirë jo vetëm nga Tirana, por dhe nga qytete të tjera të vendit. Skulptori Idriz Balani vijon të tregojë se është një nga ekspozitat më të plota që hapet në vendin tonë dhe ka punime mjaft interesante nga të gjithë autorët pjesëmarrës. “Për mua është një ndër ekspozitat më të plota që hapet në Shqipëri. Gjurmët e saj janë që herët që në vitet 70, por më pas u ndërpre. Vite më vonë ajo vijoi sërish dhe është edicioni i dhjetë i kësaj ekspozite, që u çel në Muzeun Historik Kombëtar. Ky është një prezantim që këtë edicion disa nga artistët me emër nuk marrin pjesë, pasi kanë qenë për shumë vite dhe janë zëvendësuar me artistë të rinj, që po ashtu kanë vepra interesante. Në këtë ekspozitë është një kontribut me shkallë kombëtare me shumë interes”, vijon skulptori Idriz Balani. Ekspozita shoqërohet dhe me katalogun me veprat që janë prezantuar nga autorët pjesëmarrës.

Nga Julia Vrapi

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/06/2019 - 07:40

Në kuadër të paktit për universitetin u nënshkrua një marrëveshje ndërmjet Galerisë Kombëtare të Arteve, Ministrisë së Kulturës dhe Universitetit të Arteve.

Postuar: 20/06/2019 - 07:38

Filmi "Rrëfimi i një vrasësi me pagesë", me skenar nga Vladimir Prifti dhe regji nga Kl

Postuar: 20/06/2019 - 07:37

Piktori Rakip Shabani shprehet se në Galerinë Kombëtare të Arteve nuk gjen artistët shqiptarë, nd

Postuar: 19/06/2019 - 07:41

 "Lapsi i memories" titullohet ekspozita me vizatime të artistit Anastas Kostandin

Postuar: 19/06/2019 - 07:40

Ekspozita “Hybrid” u çel për publikun në  qendrën e artit bashkëkohor “ME

Postuar: 19/06/2019 - 07:38

Në galerinë “Zeta” do të shfaqet ditën e enjte filmi dokumentar “Fotografët Ber

Postuar: 19/06/2019 - 07:37

Muaji i Muzikës po zhvillohet përmes aktiviteteve, por te artistë të ndryshëm kjo nismë e Ministr