Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Dorëzimi i Shkodrës” i 1913 shfaqet premierë në kinema

Postuar: 18/10/2018 - 07:28

Me muzikë origjinale të kompozuar nga Adorel Haxhiaj, premiera e filmimit të restauruar “Dorëzimi i Shkodrës” (1913) u shfaq në kinema Millennium. Premiera për publikun me filmime arkivale të xhiruara në Ballkan në fillim-shekullin e njëzet u mundësua nga Arkivi Qendror Shtetëror i Filmit në bashkëpunim me EYE Film Institute, Kinotekën e Malit të Zi, me mbështetjen e Ministrisë së Kulturës, dhe shoqërua me performancë live nga Adorel Haxhiaj në cello dhe Astrit Stafai në oud. Gjashtë kronika të shkurtra bardhë e zi dhe të pikturuara me dorë, pjesë të programit “Në kërkim të Perandorisë Otomane”, u përzgjodhën në bashkëpunim me kuratoren e filmit pa zë të Insitutit të Filmit EYE të Hollandës, znj. Elif Rongen-Kaynakci.

Peisazhet unike vizuale të rajonit të Ballkanit, erdhën me premierën e restaurimit të filmimit francez Pathe të vitit 1913, titulluar “Dorëzimi i Shkodrës”, me pamje të qytetit verior pas përfundimit të rrethimit gjashtë mujor të tij. Drejtoresha e AQSHF Iris Elezi para premierës lajmëronte publikun se do të përjetonte magjinë e kinemasë pa zë. “Do kemi fatin të përjetojmë magjinë e kinemasë pa zë, të shoqëruar me muzikë live të kompozuar nga Adorel Haxhiaj dhe Astrit Stafai. Dhe falë bashkëpunimit me EYE Film Institute do shohim tokat shqiptare e të Ballkanit si dukeshin gjate viteve 1911- 1927”, shkruante Elezi në një status të saj për filmin që mbrëmë erdhi premierë në kinema. Ky filmim pa zë, bardhë e zi, u gjet në kinotekën e Malit të Zi në vitin 2008, dhe pas procesit të restaurimit në dixhital dhe 35 mm në laboratorin Hungarian Film Lab, do të ruhet në Arkivin Qendror Shtetëror të Filmit si filmimi më i hershëm i fondit filmik të AQSHF-së. Koleksioni i AQSHF është krijuar kryesisht nga fondi i depozitës legale të prodhimit shqiptar të filluar prej vitit 1947, i cili ka qenë kryesisht prodhim i një qendre të vetme shtetërore, Kinostudios "Shqipëria e re", aktiviteti i së cilës fillon në vitin 1952 dhe përfundon në vitin 1992.  Pasurimi i fondit të AQSHF vjen edhe nga depozitat vullnetare. Çdo prodhues mund të depozitojë me dëshirën e tij veprën e tij filmike në AQSHF. Nëse vepra është në format 35 mm atëherë ajo futet në fondin kryesor arkival; nëse është në format dixhital apo shirit atëherë futet në fondin e Mediatekës.

/Agjensia e Lajmeve Sot News/

Na Beni Like Ne Facebook: 
Total votes: 5

Lajme nga e njejta kategori

Postuar: 17/11/2018 - 07:41

 Fundjava sjell në skenën e teatrit “Metropol” veprën teatrore “Ditari i Ana Frank”. Drama është mirëpritur nga publiku.

Postuar: 17/11/2018 - 07:39

  Ekspozita “Breza në artet figurative” vjen në edicionin e katërt në Muzeu

Postuar: 17/11/2018 - 07:37

 Në edicionin e 21 të Panairit të Librit shkrimtari Ismail Kadare ishte me lexuesit për prez

Postuar: 17/11/2018 - 07:35

 Autorë të njohur me vepra të suksesshme prezantohen këto ditë në edicionin e 21 të Panairit

Postuar: 16/11/2018 - 17:08

Shqipëria do të përballet me Skocinë ditën e shtunë në takimin e vlefshëm për Grupin 1 të Ligës

Postuar: 16/11/2018 - 07:27

Në Pallatin e Kongreseve, Shoqata e Botuesve Shqiptarë organizoi konferencën "Sfidat e lexim

Postuar: 16/11/2018 - 07:25

Teatri “Zihni Sako” në qytetin e Gjirokastrës në 50 -vjetorin e tij ka sjellë dhe edi