Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Drama “Euridita”, te Piramida me Niko Kanxherin

Postuar: 22/10/2017 - 08:05

Shfaqja teatrore “Euridita” vijon për publikun te Piramida. Edhe sonte në mbrëmje aktorët e veprës nuk do të mungojnë për publikun. Përshtatur në veprën e autores amerikane Sara Ruhl, aktorët e regjisorja Jonida Beqo kanë zgjedhur që përmes shfaqjes të mos sjellin vetëm historinë e dashurisë së Orfeut me Euriditën, por edhe shumë elementë bashkëkohorë. Kjo dramë tregon historinë klasike të mitit Orfe, por e parë nga sytë e gruas së tij të Euridita. Euridita luhet nga aktorja e re Armela Demaj, ndërsa e veçanta e kësaj drame është  aktori i mirënjohur Niko Kanxheri, që luan rolin e babait të Euriditës. Vetë regjisorja e shfaqjes luan rolin e Zonjës Vdekje.

“Zgjodha të bëj regjinë, sepse është një vepër që më ngacmoi. I shikoj gjërat shumë vizualisht si regjisore, kështu që ishte përkthim shumë i kollajtë në pjesën e kostumografisë. Vdekjen e kam luajtur më tepër për çështje kostosh”, ka pohuar më parë Jonida Beqo, regjisore. Është një histori mjaft e trishtueshme, e cila na çon në botën e të vdekurve. Euridita dhe Orfeu ishin të dashuruar me njëri-tjetrin. Çifti vuri kurorë dhe muzika e dasmës dhe kërcimet ishin aq të gëzuara. Euridita del pak jashtë për të shuar etjen, dhe papritur takon Vdekjen, rol që luhet nga regjisorja Jonida Beqo. Vdekja e fton Euriditën në botën tjetër duke e joshur me letrat e babait të vdekur. Dhe papritur Euridita rrëzohet nga një platformë e lartë dhe vdes ditën e dasmës së saj. Kjo ishte tragjedia e jetës për Orfeun, për të cilin fillon vuajtja dhe trishtimi i pandalshëm. Ai ishte muzikant dhe gjithë trishtimi përjetohet me muzikën e tij. Ndërsa Euridita udhëton në botën tjetër, ku ajo takon babain e saj të vdekur. Ajo nuk kupton asgjë çfarë i ka ndodhur, por i ati e ndihmon të kuptojë se ku ndodhet, i kujton fëmijërinë, momentet e bukura, dhe mbi të gjitha i sjell në kujtesë dashurinë e jetës së saj, Orfeun. Madje ai i lexon dhe letrat e dashurisë që Orfeu i hidhet nga bota e të gjallëve. Shfaqja zhvendoset nga bota e vdekur tek bota e gjallë, aty ku Orfeu luan muzikë vajtimi.

Kur e dashura e tij ishte gjallë, muzika e tij ishte shumë e gëzueshme, por pas vdekjes së saj, pikëllimi mbyti dhe artin e tij. Orfeu nuk mund të jetonte pa Euriditën, ndaj vendosi të shkonte në botën e të vdekurve për të rimarrë gruan e tij. Euridita kishte një mundësi për t’u rikthyer në jetë, pas këmbënguljes së Orfeut që trokiti në portën e vdekjes, por ajo zgjodhi të rrinte me babain e saj.Muzika live shoqëron gjithë shfaqjen. Aktori i talentuar Amri Hasanlliu, jo vetëm këndon, por luan 6 instrumente.

 

/Agjensia e Lajmeve Sot News/

Na Beni Like Ne Facebook: 
Total votes: 14

Lajme nga e njejta kategori

Postuar: 17/02/2018 - 09:41

Drejtoria e Përgjithshme e Arkivave po pasuron përditë e më shumë publikun dorëshkrime me vlerë të madhe kulturore dhe historike që janë pjesë e vyer e kësaj arkive. Një ndër to është Kuran Qerimi, dorëshkrim i ilustruar, shek. XIX, 393 fletë letre, 240 x 160 mm, kopist anonim.

Postuar: 17/02/2018 - 09:39

"Ekspo Art Tirana" vjen në edicionin e dytë në sallën e ekspozitave në Muzeun Historik Kombëtar.

Postuar: 17/02/2018 - 09:34

Sindikata e Artistëve të Skenës dhe Ekranit ka reaguar ashpër ndaj deklaratave të bëra ditëve të fundit me vendimin për prishjen e Teatrit Kombëtar, ata kërkojnë të ndalen plane

Postuar: 16/02/2018 - 10:19

Arkeologia Ornela Durmishaj është emëruar drejtore e parkut kombëtar të Apollonisë. Arkeologia Durmishaj vjen në këtë detyre pas konkursit që hapi Ministria e Kulturës.

Postuar: 16/02/2018 - 08:39

Artistët e Cirkut Kombëtar kërkojnë një sqarim nga Ministrja e Kulturës për situatën e krijuar me projektligjin e artit dhe kulturës.

Postuar: 16/02/2018 - 08:37

Muzeu Historik Kombëtar organizoi veprimtarinë “Një ditë me kuratorin!” me temë: “Monedhat, dëshmi e zhvillimit të qytetërimit ilir”.

Postuar: 16/02/2018 - 08:36

Në një kohë kur për Teatrin Kombëtar po flitet e diskutohet jo pak, në skenën teatrore mbrëmë për publikun erdhi në skenë shfaqja "Rojat e Taxhit".