Drama “Arturo Ui” nga Qëndrim Rijani shfaqet në skenën e Teatrit Kombëtar

Drama “Arturo Ui” erdhi në skenën teatrore në Tiranë me një koncept modern nga regjisori Qëndrim Rijani. Vepra e autorit Bertolt Brecht u shfaq për publikun në skenën e Teatrit Kombëtar te “ArTurbina”, ku u përcoll me interesin publikut në teatër. Kjo tregohet dhe nga materialet, që janë publikuar në faqen e Teatrit Kombëtar me publikun në sallë. Vepra erdhi në skenë falë bashkëpunimit të Teatrit Kombëtar me Teatrin Kombëtar të Manastirit dhe Qendrën për Informacion Kulturor të Republikës së Maqedonisë së Veriut. “Faleminderit të mrekullueshmit publik”, shprehet regjiosri Rijani në një status të tij në rrjete sociale pas shfaqjes që ishte në skenë për publikun. Regjisori Qëndrim Rijani i njohur tashmë për publikun përmes veprave të tjera të vëna prej tij në skenë erdhi edhe me premierën “Arturo Ui” në Tiranë. Njeriun e dalldisur pas ambicieve të tija të pakufizuara, i cili pa meritë përmes krimit, presionit dhe shantazhit arrin t’u ngjitet shkallëve të pushtetit me qëllim që të përvetësojë famën e një pushtetari - gradualisht shndërrohet në një bishë skizofrene e rrezikshme për mbarë njerëzimin. Në këtë shfaqje trajtohen pikërisht jeta dhe bëmat një individ të tillë...Shfaqja ishte në gjuhën maqedonase dhe me titra në gjuhën shqipe. Dramaturge Biljana Krajçevska, asistent i regjisë Jovan Ristovski, skenografia Valentin Svetozarev. Në role përmendim aktorë si Ivan Jerçiq, Ilina Çorevska, Nikolla Stefanov, Valentina Gramosli, Sandra Gribovska, Anastazija Hristovska, Aleksandar Dimitrovski, etj. Kostumet nga Bllagoj Micevski dhe kompozitor Trimor Dhomi. Bertolt Brecht (1898-1956) ishte një dramaturg, romancier, regjisor dhe poet gjerman.