BREAKING NEWS

Rama flet për prestigjozen “Le Monde”: Shembja e Teatrit Kombëtar prodhoi një gënjeshtër të madhe

Rama flet për prestigjozen “Le Monde”: Shembja e Teatrit
x

Kultura

Drejtues të muzeve bëhen bashkë për projektet dhe trashëgiminë kulturore 

Drejtues të muzeve bëhen bashkë për projektet dhe

Vështirësitë e kësaj kohe dhe bashkëpunimi për projektet të përbashkëta ishin në qendër të video-takimit, që u zhvillua mes drejtorëve të muzeve në Ditën Ndërkombëtare të Muzeve. Muzeu Historik Kombëtar në kuadër të kësaj dite organizoi video-takimin mes drejtuesve të muzeve vendas dhe të rajonit, për të folur rreth eksperiencave të këtyre institucioneve mbi funksionimin e muzeve dhe mbi përfshirjen e komunitetit e publikut në aktivitete të ndryshme. Në këtë aktivitet morën pjesë dr. Dorian Koçi, drejtor i Muzeut Historik Kombëtar, z. Ajet Leci, drejtor i Muzeu Kombëtar të Kosovës, prof. ass. dr. Arsim Sinani, Instituti për Studime Sociale e Humanistike (ISSh) i Fakultetit Filozofik në Universitetin e Prishtinës, znj. Etleva Demollari, drejtore e muzeut kombëtar "Shtëpia me Gjethe", znj. Fjoralba Prifti, drejtore e Muzeut të Artit Mesjetar, Korçë, z. Agron Polovina, drejtor i muzeut “Onufri” Berat, dhe z. Mehdi Hafizi, drejtor i muzeut kombëtar “Gjergj Kastrioti Skënderbeu”, Krujë. Drejtori i Muzeut Historik Kombëtar dr. Dorian Koçi hapi takimin, ku u shpreh se vështirësitë kalohen dhe me anë të bashkëpunimeve. “Kjo është një ditë festive për të gjithë ne që punojmë në muze. E sotmja na gjen në një situatë të vështirë pandemie, por së bashku mund të kalohet lehtësisht me anë të bashkëpunimit të ndërsjelltë. Ju falenderoj përzemërsisht për mundësinë e kësaj iniciative për të diskutuar tematikat e ditës së sotme", pohoi ai gjatë këtij video-takimi. Ajet Leci, drejtor i Muzeut Kombëtar të Kosovës, u shpreh se ky institucion edhe në këtë kohë ka organizuar aktivitete të ndryshme dhe vëmendja është dhe për vizitorët në muze. “Sfida qëndron për çdo vizitor, i cili tashmë duhet të përballet me rregulla të cilat nuk egzistonin më parë”, tha ai. I pranishëm në video-takim, Arsim Sinani tha se tek çështjet e muzeve dhe të bashkëpunimit, në aksin Prishtinë-Tiranë-Korçë-Manastir-Vlorë është vënë re një dëshirë e madhe për bashkëpunim. “Muzeu Historik Kombëtar po e shtyn përpara muzeologjinë dhe ky është një lajm mjaft pozitiv dhe inkurajues. Duhen projekte të përbashkëta që ta ruajnë trashëgiminë tonë kulturore akoma më tej. Kultura është një vlerë e përbashkët që na bashkon ne shqiptarëve, ndaj kërkohet më tepër bashkëpunim mes njëri tjetrit", u shpreh Sinani. Drejtor i muzeut “Onufri” Agron Polovina ndër të tjera theksoi se organizimi i kësaj tryeze informimi dhe komunikimi është me shumë rëndësi për fluksin turistik brenda vendit. “Duhet të jemi shumë aktiv gjatë kësaj situate, që jo vetëm të hapemi, por edhe të kemi audiencë maksimale”, u shpreh Polovina.