Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
Ekspozita “Berati i vjetër”, me dëshmi historike dhe kulturore
Shkruar nga SOT.COM.AL 25 Shtator 2020
Ekspozita “Berati i Vjetër” u çel në këtë qytet këto ditë, në muajin e trashëgimisë kulturore. Qendra Muzeore, Berat shprehet se qyteti përherë ka qenë një nga destinacionet më joshës për fotografët, për vetë veçoritë e peizazhit të tij, për bukurinë e qytetit, të arkitekturës së ansambleve të banesave, objekteve të kultit, por dhe të natyrës përreth. “Janë dëshmi të rëndësishme vizive, të cilat vijnë sot nëpërmjet fotove të realizuara kryesisht në fillim të shekullit XX deri në vitet ‘40. Histori që përbën padyshim një trashëgimi të pashembullt fotografike e cila është bërë e njohur nëpërmjet pasionit të admirueshëm të shumë studiuesve e koleksionistëve që kanë arritur të qëmtojnë me kujdes e pasion”, thuhet në materialin e ekspozitës, që u hap nga Qendra Muzeore Berat në bashkëpunim me qendrën kulturore “M. Tutulani”. Në materialin që ka postuar Qendra Muzeore Berat vijon se edhe në këtë shtator në veprimtaritë e organizuara iu drejtohet brezit të ri, fëmijëve dhe të rinjve. “U zbulojmë atyre thesare e dëshmi të rëndësishme të trashëgimisë sonë, si një porosi për ta dashur dhe për ta ruajtur këtë pasuri, si një krenari ndaj paraardhësve e përgjegjësi për ta përcjell brez pas brezi”, thuhet për këtë ekspozitë, ku janë prezantuar fotografi të ndryshme për qytetin e Beratit. Kështjella ose kalaja, siç quhet nga beratasit është ndërtuar mbi kodrën shkëmbore në formë trekëndëshi, me perimetër të mureve 1440 m, me 24 kulla e me dy porta. Në vitin 1961 Berati u shpall zyrtarisht qytet muze, me pasuri të konsiderueshme monumentesh dhe me vlera të larmishme për nga gjinitë, të cilat përbëjnë një dëshmi të trashëgimisë kulturore, historike e artistike, të jetës e të punës, të realizuara mjeshtërisht brez pas brezi nga banorët e tij. Nga zonifikimi dhe nga përcaktimi i kategorisë së monumenteve qyteti ndahet në tri zona : zona muze, zona e mbrojtur dhe zona e lirë. Në datën 8 korrik të vitit 2008 Berati u regjistrua në listën e UNESCO-s nga Komiteti i Trashëgimisë Botërore në Konferencën e radhës të mbajtur në Kanada. Berati u vlerësua si një shembull i rrallë i arkitekturës tipike Osmane. Berati, sipas UNESCO-s është dëshmitar i bashkëjetesës së komuniteteve të ndryshme fetare dhe kulturore përgjatë shekujve.