Ekspozita "Can for Balkans" me punime në novelën grafike historike në Muzeun Historik Kombëtar    

Ekspozita e projektit ndërkombëtar “Can for Balkans” u çel në ambientet e hollit të Muzeut Historik Kombëtar. Pas suksesit që pati në Bra?ov, Rumani, ekspozita që prezanton punime të artistëve në novelën grafike historike u çel dhe në MHK. Një seksion multimedial paraqet në një formë origjinale dhe krijuese, duke përfshirë video animacione, rezultatet e projektit kërkimor mbi historinë e novelës grafike historike në Ballkan, me fokus në klishe dhe stereotipe të përdorura në libra për botën ballkanike nga autorë të novelave grafike. Një pjesë tjetër paraqet perspektivën bashkëkohore të Ballkanit në histori në formën e 64 novelave grafike origjinale të realizuara nga 67 artistë, nga të cilët 27 artistë nga tetë vende u përzgjodhën në konkursin ndërkombëtar të këtij projekti, i organizuar midis marsit dhe korrikut 2022. Kuratori i ekspozitës është Nicolae Pepene, menaxher i Muzeut Historik të Qarkut Bra?ov, si dhe menaxher i projektit "CAN for Balkans - Comics Alliance Networking", një projekt i programit Creative Europe, thirrja "Forcimi i bashkëpunimit kulturor dhe konkurrueshmëria e industrive kulturore dhe krijuese në Ballkanin Perëndimor”. Ekspozita e paraqitur në Tiranë do të udhëtojë më pas në Bruksel (Belgjikë), Veles (Maqedonia e Veriut) dhe Leskovac (Serbi). Ekspozita realizohet në kuadër të projektit "Can for Balkans - Comics Alliance Networking for Balkans", i cili është një nga 13 projektet fituese të thirrjes "Forcimi i bashkëpunimit kulturor dhe konkurrueshmëria e industrive kulturore dhe krijuese në Ballkanin Perëndimor" (EACEA 39/2019), në kuadër të Programit të financimit të Evropës Krijuese dhe zbatohet nga Muzeu Historik i Qarkut Brasov (udhëheqës i projektit), Muzeu Historik Kombëtar i Shqipërisë, Muzeu i Artit Komik Bruksel - Qendra në Belgjikë e Stripit Komik, Strip Centar na Makedonija (Maqedonia Veriore), Qendra Kulturore e Leskovcit - Leskovac comic shkolla “Nikola Mitrovic Kokan” (Serbi).