BREAKING NEWS

'Të bëhet pastrimi në kohë rekord', Rama i jep urdhrin e prerë ministres Xhaçka

'Të bëhet pastrimi në kohë rekord', Rama i jep
x

Kultura

Ekspozita “Vetmia e engjëllit...”, me veprat e 37 artistëve

Ekspozita “Vetmia e engjëllit...”, me veprat e 37

Ekspozita “Vetmia e engjëllit- La solitudine dell’Angelo” u çel për publikun në Muzeun Historik Kombëtar. Ekspozita vjen në Tiranë si bashkëpunim i Muzeut Historik Kombëtar dhe Akademia e Torre Carrara dhe Arte Mondadori. Giammarco Puntelli, autor dhe kritik arti, përzgjodhi 37 prej artistëve më të rëndësishëm dhe të vlerësuar si në Itali ashtu edhe jashtë saj, në një temë shumë të veçantë. “Vetmia e engjëllit- La solitudine dell’Angelo” është gjendja e artistit bashkëkohor, shpesh i izoluar dhe vetëm në krijimtarinë e tij, një engjëll laik që parashikon mesazhet pasi është i aftë të dijë si të shohë përtej. E gjithë kjo kujton letërsinë dhe kinematografinë e gjysmës së dytë të shekullit të XX mbi reflektimet e intelektualit dhe artistit. Muzeu Historik Kombëtar bën me dije se ekspozita organizohet me qëllim, që të krijohet një urë kulturore dhe institucionale midis Italisë dhe Shqipërisë në fushën e artit. Ekspozita përbëhet nga rreth 70 piktura dhe do të qëndrojë e hapur në ambientet e ekspozimit të Muzeut Historik Kombëtar deri më datë 3 nëntor . Në këtë ekspozitë, kuratori italian Giammarco Puntelli ka përzgjedhur vepra të Giampaolo Talani, Serafino Valla, Alfonso Borghi, Jucci Ugolotti, Giuseppe Menozzi, Elvino Motti, Guglielmo Spotorno, Emilio Giossi, Gene Pompa, Massimo Ferri, Alessandra Casciotti, Franco Xhondi, Tiziano Calcari, Silvia Caimi, Fiamma Morelli, Claudio Massimi, Emanuela De Franceschi, Vittoria Palazzolo, Franco Carletti, Alessandro Grazi, Claudio Fezza, Antonella Belviso, Fabio Cicuto, Alessandro Trani, Aldo Claudio Medorini, Mafalda Marian, Daniela Rebuzzi, Ivana Vio, Federica Gianfranchi, Stefania Tazzini, Nicolo F. Ricciardi, Annalisa Bonafini, Natascia Marinelli. Kjo ekspozitë që u çel për publikun në MHK vjen në vijim dhe të tjera veprimtarive, që janë organizuar në këtë institucion në bashkëpunim me artistët nga Italia. Edhe më parë në muze janë hapur ekspozita, ku artistët italianë janë prezantuar me veprat e tyre për publikun në vendin tonë. Këtë radhë ishte ekspozita “Vetmia e engjëllit- La solitudine dell’Angelo”, që deri në datën 3 nëntor do të jetë në muze për publikun.