Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë
Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...
Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve
Spartak Ngjela: Serbët u infiltruan në Shqipëri në vitet ’92-’97 me ndihmën e qeverisë “Berisha” dhe u investuan për të shkatërruar ekonominë e vendit, ja dosja e ‘nxehtë’ që është mbuluar nga pluhuri i harresës dhe si SPAK mund të çojë pas hekurave 2 ...
16 vite nga masakra e “Gërdecit”, ja të fshehtat tronditëse të aferës së fabrikës së vdekjes, në “lojë” ishin 10 miliardë dollarë, nga zhdukja e dëshmitarëve, te kërcënimet e Shkëlzenit për Luan Hoxhën për t’i mbyllur gojën dhe alibitë e Berishës për t...
Nga zbërthimi i bisedave sekrete, te skema që ndoqi kreu i ARRSH për të përfituar miliona euro nga kompania e tij që e deklaroi të shitur, zbardhen të tjera detaje nga arrestimi i Evis Berberit dhe dy biznesmenëve, ja çfarë u zbulua nga celularët e sek...
Pas Ogerta Manastirliut, edhe Belinda Balluku drejt dorëheqjes dhe prangave, ja të gjitha skandalet ku është përfshirë zv/kryeministrja
Idajet Beqiri plas “bombën”, Flamur Noka dhe Luçiano Boçi shkuan në Janinë me një thes me para, ja personazhi misterioz që takuan për të goditur kundërshtarët e Sali Berishës në Tiranë, zbardhen pazaret
Festivali Letrar për të Rinj “Tirana 2019” shpall fituesit në krijimtari
Shkruar nga SOT.COM.AL 13 Dhjetor 2019
Festivali Letrar për të Rinj “Tirana 2019” shpalli fituesit e edicionit të pestë, në mjediset e Muzeut Historik Kombëtar. Në këtë edicion organizuar nga Instituti i Librit dhe i Promocionit me mbështetjen e Ministrisë së Kulturës morën pjesë rreth 100 krijues të rinj, në tri gjinitë e tij letrare: prozë, poezi, ese, me temë “Shtegtim dhe identitet”. Fituesit në ceremoninë finale përftuan certifikata pjesëmarrjeje, diploma merite dhe trofe, për vendet e para. Një trofe mirënjohjeje shkoi edhe për Fakultetin e Arteve të Bukura, që për të pestin vit radhazi e mbështet në këtë projekt. Krijimet letrare u vlerësuan nga juria e festivalit e përbërë nga Arta Marku, Anrila Spahija (Anna Kove) dhe Ylljet Aliçka, të cilët përzgjodhën grupin fitues. Fituese e çmimit të parë në ese në edicionin e pestë u shpall Antea Spahiu me "Eksperiencë diku tjetër", çmimi i dytë shkoi për Lisia Peqini me "Vajtje-ardhje"dhe iu treti për Roen Naska me "Sot gatuaj unë". Çmimi i parë në poezi shkoi për Donart Rexhbogaj me "Me të lanë", i dyti për Ana Shehi me "Udhëtarët e horizontit" dhe i treti për Flamur Dardeshi me "Një fije e hollë". Në prozë juria vlerësoi me çmim të parë Oriada Dajko me "Shtëpia e librave", me çmim të dytë u nderuan Bukurosh Dervishi me "Mallkimi" dhe Klea Dhima me "Të iki apo të qëndroj? Kjo është çështja!", ndërsa me çmim të tretë u vlerësua Ermelinda Pashaj me "Më në fund të tre". Në arte çmimi parë në art grafik shkoi për Kristina Dervishaj me instilacion, ndërsa i pari për video-art shkoi për Ergys Vela dhe në fotografi u vlerësua Angjelo Sevo. Krijimet më të mira u përfshinë në “Antologjinë e krijuesve të rinj”, që tashmë shoqëron secilin edicion të këtij festivali. Në këtë antologji u botuan gjithashtu edhe fotot e krijimeve të studentëve të artit, të cilët sipas kësaj teme realizuan punimet e tyre në: art grafik/instilacion, video-art dhe fotografi, nën kujdesin e tre trajnerëve të seminareve rikrijuese Edmond Gjikopulli, Florian Haxhihyseni dhe Albes Fusha. Tema e këtij edicioni “Shtegtim dhe identitet”, lidhet ngushtësisht me aktualitetin që po përjeton i gjithë planeti ynë. Me zhvendosjen e njerëzve në ditët e sotme. Kjo lëvizje realizohet për qëllime dhe arsye nga më të ndryshmet. “Ajo që dëshironim të hetonim, përmes krijuesve të rinj ishte vizioni i asaj që humb dhe asaj që fiton individi, në planin personal përmes emigracionit dhe asaj çfarë humbet dhe fiton shoqëria ku individi lind e arsimohet dhe shoqëria ku ai emigron e kalon një pjesë të mirë të jetës së tij aktive në punë”, shprehen organizatorët.