Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Filmi “Sfida” rikthen në kinema Birçe Haskon me ngjarje nga realiteti shqiptar

Postuar: 17/03/2019 - 07:44

Filmi artistik “Sfida” me skenar dhe regji nga Lulzim Sula dhe me një kast aktorësh të njohur u shfaq premierë në Korçë. Filmi me ngjarje me problematikën shqiptare sjell në role aktorë të vlerësuar të kinemasë shqiptare. Në rolet në film përmendim aktorët Birçe Hasko, Suela Konjari dhe Bujar Asqeriu. Muzika në filma është shkruar nga Aleksandër Vezuli. Producenti Skënder Jaçe e vlerëson këtë herë bashkëpunimin, që është bërë për realizimin e filmit, pjesëmarrjen e aktorëve dhe shprehet se ishte një punë e bërë me profesionalizëm. “Në të gjithë botën premierat e filmit kthehen në një festë plot atmosferë për kinemanë. Edhe tek ne është krijuar tashmë tradita që filmi shqiptar të promovohet sa më bukur. Korça ku edhe u xhirua filmi "Sfida" priti premierën e tij të parë. I falenderoj, në emër të produksionit, për përgjegjësinë dhe profesionalizmin në rolet e tyre. Rrugëtim të bukur "Sfida"”, shprehet producenti Jaçe. Në qendër të filmit “Sfida” është një grua, e cila ka ngritur një fasoneri me kurajo të madhe, duke u përballur me konkurrencën dhe një treg të vështirë në këtë fushë, qeraja e lokalit, siguracionet, rrogat e grave të punësuara, etj. Kur tregu për shitjen bëhet i vështirë, e sjellin atë në pozita të vështira falimentimi. Por në jetë ka të papritura, dikush i afrohet për ndihmë, ngjarjet rrokullisen në situata të reja dramatike. Si do të vejë fundi i kësaj gruaje të dëshpëruar, e cila jeton e vetme me vajzën e saj? Gjithmonë në jetë ka një forcë energjie, që qënies njerëzore i jep kurajo, për të arritur që të jetë diçka në jetë, duke menaxhuar mirë personalitetin njerëzor. Xhirimet e filmit “Sfida” u bënë në vitin që lamë pas dhe vjen si një produksion i ri nga "Production Cinemania" me producent Skënder Jaçe.  Si producent ai tregon se jo vetëm kjo premierë është në planet e këtij viti, por dhe projekti “Open Cinema”, si dhe një tjetër film vizatimor me regji nga Endri Beqo.

Puna me filmin

Filmi që mbrëmë shënoi premierën në Korçë sipas producentit do të jetë më pas dhe në Tiranë. Duke folur për ngjarjet në film ku në rol kryesor është Suela Konjari, producenti Skënder Jaçe shprehet se ka kohë që mungonte në kinema, një femër që të mbajë peshën me rol kryesor në film si Suela Konajri. “Në film del qartë forca e femrës. Filmi përshtatet shumë me realitetin tonë sot sepse ka biznese që falimentojnë nuk kanë mbështetje dhe njeriu gjithmonë do një shtytje në jetë, do një mbështetje qoftë dhe morale për ti dhënë guxim”, tregon ai për premierën që u shfaq në Casa Gaçe. Por dhe aktorët Birçe Hasko dhe Bujar Asqeriu kanë portretizuar më së miri personazhet e tyre. “Birçe Hasko e priti me shumë kënaqësi rolin dhe ishte intrigues në film. Ai pasuroi rolin gjatë xhirimit, aktor me përmasa të mëdha. Më gëzoi fakti që mes aktorëve ishte dhe Birçe Hasko dhe ishte një kujtim i bukur dhe për atë dhe për produksionin. Premiera pas Korçës do jetë dhe në Tiranë por po mendohet të futet dhe në festival. Birçe Hasko ka rolin e pensionistit dhe Bujar Asqeriu në rolin e sipërmarrësit”, tregon producenti Jaçe. Ky film që sjell në role aktorë të njohur ehe gjatë xhirimeve në qytetin e Korçës ka zgjuar interesin e qytetarëve, të cilët kanë ndjekur punën që është bërë me filmin, ku padyshim aktorët Birçe Hasko, Suela Konjari dhe Bujar Asqeriu merrnin vëmendjen më të mëdha.

Nga Julia Vrapi

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/04/2019 - 07:54

Në Ditën Botërore të Librit, në Fakultetin e Historisë dhe Filologjisë pedagogët theksuan sfidat dhe vështirësitë me të cilat përballet libri në Shqipëri.

Postuar: 24/04/2019 - 07:52

 Filmi “Zgjimi i Enver Simakut” me skenar dhe regji nga Marco L

Postuar: 24/04/2019 - 07:49

Regjisorja Eliona Thomaraj shprehet se te “arTurbina” nuk do të pranojë kurrë të shko

Postuar: 23/04/2019 - 07:42

Olen Cesari rikthehet për publikun e Tiranës në një koncert të madh për dy mbrëmje me rradhë në s

Postuar: 23/04/2019 - 07:41

Në “Moscow International Film Festival” u shfaq premiera botërore e filmit artistik &

Postuar: 23/04/2019 - 07:39

Filmi “Internimi” i regjisorit Kast Hasa u shpall filmi më i mirë i huaj në “Ar

Postuar: 23/04/2019 - 07:38

Shkrimtarë dhe studiues sot në Ditën Ndërkombëtare të Librit shprehen se ndihen të larguar nga Mi