Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Filmi “Të thyer” me mesazhe sociale çel festivalin “Seanema Film Festival”

Postuar: 21/08/2018 - 07:39

Mbrëmjen e së enjtes nis në qytetin e Ulqinit edicioni i katërt i festivalit, që bën bashkë në konkurrim filma shqiptarë, por dhe të huaj. “Seanema Film Festival” nis të enjten me filmin artistik “Broken” (Të thyer) me skenar dhe regji nga Edmond Budina. Ky festival edhe këtë edicion sjell për publikun nga data 23 deri më 26 gusht filma nga Greqia, Spanja, Zvicra, Koreja e Jugut, Turqia, etj. Tema e festivalit për këtë edicion do të jetë identiteti. Sipas organizatorëve, programit i festivalit është dhe për afirmimin e multikulturalizmit në Mal të Zi, duke respektuar parimin e qëndrimit jo-diskriminues ndaj identitetit. Drejtore artistike dhe organizatore e festivalit Drita Llolla ashtu si dhe më parë tregon që OJQ “Unë veproj” ruan traditën e organizimit të përvitshëm të festivalit të filmit në Ulqin. Filmi "Të Thyer" ka marrë pjesë në disa festivale, dhe sipas producentes Adele Budina është e rëndësishme të shpërndahet edhe për tematikën për të cilën flet. “Jetojmë në një periudhë historike botërore të vështirë, në të cilën raportet njerëzore janë bërë shumë të sipërfaqshme, komunikojmë më shumë me objektet elektronike se sa sy më sy. Njerëzit vlerësojnë njeri- tjetrin në bazë të suksesit ose të parave që fitojnë dhe gjithë mirëqenia që kemi arritur nuk po e bën njeriun më dinjitoz, përkundrazi, jemi gjithmonë e më tepër egoistë dhe narcizista. Çfarë është më narciziste të një kulture që ndot ambientin dhe nuk mendon jo për të ardhmen, por as për të shkuarën? Një mentalitet e një kulturë e tillë e urren jetën dhe e zhvesh njeriun nga dinjiteti tij”, pohon Adele Budina, producente. Sipas saj, është e rëndësishme që filmi të shpërndahet në festivale, por ka rëndësi dhe mesazhi që përcjell. “Më pëlqen që filmi ka një mesazh social dhe mund të shkundi sado pak koshiencat, të bëj pak katharsis. Por edhe tematika që prek ndotjen nuk besoj na ka ndihmuar shumë, kush e sheh filmin e pëlqen, në Leçe bëri bujë, publiku u detyrua të kthehej në shtëpi së s'kishte më bileta, ishte sold-out, por në përgjithësi ne shqiptarët, ose institucionet tona, duam filma që të tregojnë një kartolinë nga Shqipëria. Gjithsesi filmi nuk është dokumentar, është thjesht një vepër arti i një artisti që jep kontributin e tij shoqërisë”, përfundon producentja.

Konkurrimi në dy kategori

 Festivali i filmit “Seanema” vazhdon traditën, më 23 gusht hapja e edicionit të katërt në Ulqin. Si në edicionin e mëparshëm, filmat konkurrojnë në dy kategori: filmi më i mirë i festivalit, si dhe filmi më i mirë me metrazh të shkurtër. Përveç filmave në kategoritë konkurruese, programi gjithashtu përmban një përzgjedhje të filmave dokumentarë mbi temën e identitetit, si dhe një program të veçantë Seanema Panorama. Risia e edicionit të katërt sipas organizatorëve është programi edukativ, i cili ofrohet falas për një numër të kufizuar të studentëve nga i gjithë Mali Zi, në bashkëpunim me Shoqatën për Arsim në fushën e kulturës audiovizive, Filmkultura. Programi rinor, paraqitur në kuadër të platformës edukative të festivalit Seanema, lançohet me qëllim që të zgjojë krijimtarinë tek të rinjtë, për nxitur kuriozitetin e tyre, si dhe mbi të gjitha për të krijuar një parakusht për qëndrim kritik ndaj përmbajtjes së mediave audiovizive. Në edicionin e katërt nuk do të mungojnë dhe panelet e hapura për diskutim, të udhëhequr nga autorë të njohur dhe ekspertë nga fusha e kulturës.

Nga Julia Vrapi

 

/Agjensia e Lajmeve Sot News/

Na Beni Like Ne Facebook: 
Total votes: 5

Lajme nga e njejta kategori

Postuar: 19/11/2018 - 07:28

Shkrimtari i madh, Ismail Kadare promovoi pak ditë më parë në Panairin e Librit., botimin e tij më të fundit “Kur sunduesit grinden”.

Postuar: 18/11/2018 - 07:52

Juria e Panairit të 21 të Librit “Tirana 2018”  vlerësoi me çmim të karrierës sh

Postuar: 18/11/2018 - 07:51

Panairi i Librit “Tirana 2018” sot në ditën e fundit në Pallatin e Kongreseve.

Postuar: 18/11/2018 - 07:49

Artistët nuk kanë deri tani vlerësimin e duhur nga institucionet.

Postuar: 17/11/2018 - 07:41

 Fundjava sjell në skenën e teatrit “Metropol” veprën teatrore “Ditari i A

Postuar: 17/11/2018 - 07:39

  Ekspozita “Breza në artet figurative” vjen në edicionin e katërt në Muzeu

Postuar: 17/11/2018 - 07:37

 Në edicionin e 21 të Panairit të Librit shkrimtari Ismail Kadare ishte me lexuesit për prez