Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Gazeta franceze “Liberation”, vlerësim për “Lukrecia Borxhian”

Postuar: 24/11/2017 - 07:30

Teatri Kombëtar mori pjesë për herë të parë në festivalin “Mettre en scene” në Renne të Francës me shfaqjen “Lukrecia Borxhia”. Ky është një festival që i kushtohet teatrit dhe dancit, viti 2016 shënoi edicionin e 20-të të këtij festivali, i cili e ka gjenezën në Rennes dhe sot zhvillohet në të gjithë provincën e Bretagne-ës. Teatri Kombëtar ka publikuar në faqen e tij se gazeta franceze “Liberation”  i kushton një artikull shfaqjes me aktorët shqiptarë. Trupa e Teatrit Kombëtar e përbërë nga aktorët Luiza Xhuvani, Artan Imami, Xhino Musallari, Vasjan Lami, Indrit Çobani, Lulzim Zeqja, Genti Deçka, Gent Hazizi, Marsel Rupi ishin në skenë me shfaqjen në datat 10-11-12 Nëntor . Por më herët gazeta “Liberation” i kushton kësaj shfaqje një analizë të plotë dhe të detajuar, duke dërguar gazetarët e tyre në Tiranë për të intervistuar pjesëtarët kryesorë që bënë të mundur realizimin e këtij projekti teatror. “Gjashtë shkronja u sollën në skenë nga aktorët: B, O, R, G, I, A. Janë të mëdha dhe të bardha. Në qendër qëndron Kollona pa fund e Bankusit dhe këto përbëjnë thelbin e dekorit. Eric Vigner ka realizuar një skenografi fine dhe të stilizuar të veprës së Viktor Hygo-it. Çdo gjë luhet në tragjiken e brendshme të personazheve , në veçanti të Lukrecias, nënë inçestuale, e cila do të donte të fshinte me dashurinë e saj krimet e klaneve tiranike dhe dekadente”, shkruan gazeta. Një pjesë të mirë të këtij artikulli e zë figura e aktores kryesore të shfaqjes, Luiza Xhuvani për të cilën shprehen: “në interpretimin e Luiza Xhuvanit, 53 vjeç, është dhimbja e brendshme dhe brishtësia që të tërheq dhe jo histeria”. Drama e saj personale është e lidhur me dramën e peosonazhit të Lukrecia Borxhias, duke e bërë figurën e saj akoma më të prekshme për publikun”, thuhet në shkrim. Në këtë artikull nuk është lënë pa përmendur rikthimi i publikut shqiptar drejt teatrit duke theksuar se vendi po pëson një bum të teatrove dhe të kompanive teatrore. “Publiku i Teatrit Kombëtar është shumëfishuar këto tre deri në pesë vite të fundit dhe numri i shfaqjeve është trefishuar” vijon artikulli më tej, duke shtuar dhe ndihmën e Ministrisë së Kulturës sipas tyre për artin.

/Agjensia e Lajmeve Sot News/

Na Beni Like Ne Facebook: 
Total votes: 13

Lajme nga e njejta kategori

Postuar: 24/05/2018 - 15:37

Auron Tare, kryetar i këshillit shkencor në UNESCO shkruan se një muze për konfliktin italo-grek do të ishte një atraksion kulturor dhe historik. Një grup studiuesish dhe profesorësh amerikanë të shoqëruar nga Auron Tare vizituan Grykën e Këlcyrës.

Postuar: 24/05/2018 - 07:51

Teatri "Zihni Sako" në Gjirokastër këtë vit pritet të festojë 50 -vjetorin e krijimit të tij.

Postuar: 24/05/2018 - 07:49

Vëllimi i parë i serisë “Korpusi i mozaikëve të Shqipërisë”, një botim i cili i dedikohet mozaikëve në qytetin antik të Butrintit me autor Agron Islami dhe Marie-Pat

Postuar: 24/05/2018 - 07:48

Galeria Kombëtare e Arteve prezanton ekspozitën e parë retrospektive të piktorit Edi Hila.

Postuar: 24/05/2018 - 07:46

Java e arteve skenike spanjolle nis të dielën, duke sjellë aktivitete të yndyrshme për publikun.

Postuar: 23/05/2018 - 07:49

Arti ndodhet në gjendje amullie dhe artistët pohojnë se mungesa e vëmendjes nga institucionet sjell jo pak probleme në aktivitetin artistik.

Postuar: 23/05/2018 - 07:47

Aleanca për Mbrojtjen e Teatrit Kombëtar dorëzoi pranë Ministrisë së Kulturës kërkesën për shpalljen e Teatrit Kombëtar dhe të Teatrit Eksperimental “Kujtim Spahivogli&rdq