BREAKING NEWS

"U shtanga dhe mendova se do kriste pushka", Kreshnik Spahiu tregon ngjarjen më të hidhur në politikë dhe bën parashikimin e bujshëm për Lulzim Bashën

"U shtanga dhe mendova se do kriste pushka", Kreshnik Spahiu tregon
x

Kultura

Himara, 3 ditë kryeqendër e turizmit me “South Outdoor Festival”

Himara, 3 ditë kryeqendër e turizmit me “South Outdoor

Për herë të parë në Shqipëri mbahet “South Outdoor Festival”, një festival që këtë vit do të zhvillohet në Pilur të Himarës në datat 29 prill - 1 maj 2017.“South Outdoor Festival” do të kthejë në kryeqendër të turizmit të Shqipërisë për tri ditë Pilurin, Himarën, Dhërmiun e zonat jugore përreth tij.Ai ka si qëllim promovimin e rajonit jugor, duke evidentuar potencialet natyrore (deti e mali), zgjatjen e sezonit turistik dhe rritjen e të ardhurave për popullsinë vendase. Aktivitetet që pritet të zhvillohen gjatë këtyre tri ditëve në festival janë të larmishme, por më së shumti do të mbizotërojnë: aktivitetet sportive outdoor (ecje malore, çiklizëm malor, yoga, kanoe, parashutizëm, zhytje, e shumë të tjera), aktivitete kulturore, muzikë live dhe iso-polifonike, kinema e hapur dhe panair i produkteve artizanale dhe produkteve lokale.Gjatë gjithë festivalit do të mundësohet shijimi i kulinarisë tradicionale vendase si një përvojë e veçantë duke u njohur më nga afër me traditën vendase. Qëllimi i kësaj nisme të qeverisë gjermane, mbështetur nga Ministria e Ekonomisë e Turizmit si edhe ajo e Energjetikës, synon të rrisë të ardhurat përmes turizmit e kulturës duke i paraprirë sezonit turistik veror.Hans-Jurgen Cassens, Drejtor Rajonal në GIZ, është shprehur se programi synon të sjellë një perspektivë ekonomike për zonat rurale, në këtë rast për zonat në jug. “E nisim nga turizmi, sepse është një fushë që ka shumë potencial. E dimë se ka shumë turistë në jug gjatë verës, por këta turistë janë të fokusuar te plazhi. Me këtë festival duam të prezantojmë më shumë aktivitete, si: ngjitje në mal, parashutizëm etj. Do të ketë, pa dyshim, edhe muzikë, t’i japim atmosferën e vërtetë të një festivali”, thotë ai. Promovimi i rajonit jugor do të përqendrohet edhe në vlerat e trashëgimisë kulturore, pasi pjesë e festivalit do të jenë edhe grupet iso-polifonike të zonës, pjesë e trashëgimisë botërore. Do të prezantohen fshatrat me shpresën se do të kuptohen asetet e tyre në aspektin e trashëgimisë kulturore. Gjatë tri ditëve të festivalit do të ofrohet ushqim tradicional i zonës, për t’i shtuar, jugut krahas bukurive natyrore, edhe vlerat e kulinarisë. Festivali organizohet nga programi “Zhvillimi i Integruar & i Qëndrueshëm i Rajonit Bregdetar Jugor”, i mbështetur nga GIZ, në bashkëpunim me Ministrinë e Zhvillimit Urban, Ministrinë e Zhvillimit Ekonomik, Turizmit, Tregtisë dhe Sipërmarrjes, Agjencinë Kombëtare të Turizmit dhe Bashkinë.