Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Java e arteve skenike spanjolle, aktivitete të ndryshme për publikun

Postuar: 24/05/2018 - 07:46

Java e arteve skenike spanjolle nis të dielën, duke sjellë aktivitete të yndyrshme për publikun. Ambasadori i Spanjës në Shqipëri, Vicente Canelles e përshkruan si një nga javët më emocionuese të vitit në aspektin e varieteteve në artin skenik spanjoll në Shqipëri. "Bëhet fjalë për një përqendrim të lumtur ngjarjesh kulturore, që nuk do të lënë askënd indiferent, një mundësi unike për të shijuar kulturën spanjolle, kurrë së thëni më mirë drejtpërsëdrejti" janë fjalët e ambasadorit spanjoll në njoftimin për shtyp të ambasadës. Java fillon të dielën me daljen në skenë të Arianna Puello, artiste hispano-domenikane hip-hop-i, e nominuar për çmimet Grammy latine, e cila në kuadrin e edicionit të dytë “The Cloud festival”, do të na bëjë të kërcejmë nën ritmin e diskut të saj të fundit “Hardcore y Feroz”. “Është hera e parë, që bashkëpunimi kulturor spanjoll financon një grup hip-hop jashtë vendit, dhe fatmirësisht ishte në Shqipëri. Pas performancës në Tiranë, të hënën më 28 maj, grupi i Ariannes do të performojë në Maliq, me mbështetjen e Bashkisë së Maliqit dhe projektit të Bashkimit Europian “Bashkitë për Europen””, njofton ambasada e Spanjës në vendin tonë. Të mërkurën më 30 maj, teatër me kukulla, kësaj here në “Festivalin e I-rë Ndërkombëtar të Kukullave në Shqipëri”, me grupin spanjoll “Angeles de Trapo” dhe me shfaqjen e pjesës “Error 404”, e cila do të paraprihet nga një mbrëmje spanjolle me tapas, muzikë dhe shoqëri të mirë. Po ashtu do të vijojë dhe me edicionin e dyte të “Guitar Sounds Festival” nën kujdesin e drejtorit të festivalit, Denis Bizhga. Të premten më 1 maj në Sallën e Forumit të Këshilli të Ministrave, do të shfaqet filmi “Mangore, për dashurinë për artin” një xhevahir i kinemasë paraguaiane, që përkujton jetën e artistit të madh Agustin Barrios, vepra e të cilit mësohet në të gjithë konservatorët anë e mbanë botës. Java përmbyllet të shtunën me 2 qershor, në auditorin e Universitetit te Arteve, me performancën fantastike të “Duo del Mar”, një projekt i ri që bashkon dy figura të spikatura të skenës muzikore.

/Agjensia e Lajmeve Sot News/

Na Beni Like Ne Facebook: 
Total votes: 6

Lajme nga e njejta kategori

Postuar: 17/08/2018 - 07:28

Nga janari i këtij viti deri në muajin qershor kalaja e Porto Palermos është vizituar nga rreth katër mijë turistë.

Postuar: 17/08/2018 - 07:27

 Festivali i muzikës “Vox Baroque” vazhdon koncertet në një edicion të posaçëm n

Postuar: 17/08/2018 - 07:25

 Teatri në vend larg vëmendjes së shtetit dhe artistët përballen me jo pak vështirësi në zhv

Postuar: 16/08/2018 - 07:40

Bylis një nga qendrat më të rëndësishme arkeologjike të Shqipërisë për periudhën kohore janar-kor

Postuar: 16/08/2018 - 07:39

Festivali “Metrofest” do të vijë në edicionin e dytë në sezonin e ri artistik në vjes

Postuar: 16/08/2018 - 07:37

Dy kostume tradicionale nga zona e Strugës janë tashmë pjesë e koleksionit të Muzeut Historik Kom

Postuar: 16/08/2018 - 07:35

Biblioteka Kombëtare ka kufizuar shërbimin e saj publik.