Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kadare takon ministrin kosovar në Francë: Të ruhet gjuha e pastër shqipe

Postuar: 18/03/2017 - 13:23

Zëvendësministri i Kulturës i Kosovës, Rexhep Hoti, ka qenë në Francë, ku realizoi takime të shumta dhe vizitoi shkrimtarin e mirënjohur shqiptar me famë ndërkombëtare, Ismail Kadare.

Hoti i përcolli autorit të veprave të shumta letrare artistike, Ismail Kadaresë, interesimin e Qeverisë së Kosovës, konkretisht të Ministrisë së Kulturës, Rinisë dhe Sportit, për shëndetin e shkrimtarit, pas një operimi të suksesshëm që ka kaluar. Zëvendësministri i uroi shëndet dhe vazhdim të krijimtarisë edhe më tej.

Hoti dhe Kadare biseduan se si kultura shqiptare të fuqizohet si një trung i vetëm dhe të rritet bashkëpunimi dhe shkëmbimi kulturor mes shqiptarëve. Tutje, u bisedua edhe për orientimin dhe identitetin properëndimor dhe europian të shqiptarëve.

Kadare porositi që t’i kushtohet rëndësi ruajtjes së gjuhës dhe kulturës së pastër shqipe si vlerë fondamentale e shqiptarëve.

Gjithashtu, zëvendësministri Hoti e informoi shkrimtarin e madh shqiptar për procesin e anëtarësimit të Kosovës në organizata të rëndësishme ndërkombëtare të kulturës, duke përfshirë edhe planet për anëtarësimin e Kosovës në UNESCO. Kadare shprehu gatishmërinë e tij të plotë për ta ndihmuar Republikën e Kosovës që ajo të jetë sa më parë anëtare e kësaj organizate të Kombeve të Bashkuara.

Kadare u ftua që të vizitojë Kosovën në një të ardhme të afërt. Ai e pranoi me kënaqësi ftesën, duke e cilësuar edhe si një mundësi të takimit me lexuesit e tij për të kontaktuar drejtpërdrejt me ta.

/Agjensia e Lajmeve Sot News/

Na Beni Like Ne Facebook: 
Total votes: 7

Lajme nga e njejta kategori

Postuar: 18/01/2018 - 08:59

Në kuadër të 550-vjetorit të vdekjes së Skënderbeut, Muzeu Historik Kombëtar çeli ekspozitën me titull “Moti i Madh”.

Postuar: 18/01/2018 - 08:58

Forumi për Mbrojtjen e Trashëgimisë Kulturore përmes një deklarate bën me dije se ka qenë shumë i vëmendshëm karshi gjendjes së monumenteve në Gjirokastër përgjatë kohëve të fun

Postuar: 18/01/2018 - 08:58

Artisti Genc Mullqi pohon se për sa i përket politikave të artit në Shqipëri është me shumë rëndësi që institucionet të kenë pavarësi nga shteti dhe jo të kushtëzohen.

Postuar: 17/01/2018 - 19:15

Ditën e sotme qeveria ka miratuar në postin e drejtorit të Galerisë Kombëtare të Arteve Erzen Shkololli.

Postuar: 17/01/2018 - 13:37

Ministrja e Kulturës Mirela Kumbaro dhe biblioteka lëvizëse ndaluan tek “Kampionët e leximit”, nxënësit e shkollës, "Pjetër Zarishi", Blinisht, Lezhë.

Postuar: 17/01/2018 - 08:08

Një tjetër kryevepër e dramaturgjisë franceze "Shërbëtoret" e autorit  Jean Genet vjen premierë në sallën “Gëte” të Teatrit Kombëtar Eksperimental &ld

Postuar: 17/01/2018 - 08:03

Gjirokastra, Kishat e Voskopojës e Vithkuqit janw përfshirë mes 12 kandidaturave për t'u përzgjedhur nga organizata “Europa Nostra” në programin 7 vendndodhjet e