Kinematografia në zi/ Ndërron jetë aktori i njohur, bashkëshortja prek me mesazhin e ndjerë: Ndjeva frymëmarrjet e tij të fundit

Aktori i njohur  i Broadway, Quentin Oliver Lee, ka ndërruar jetë në moshën 34-vjeçare pas një beteje me kancerin e zorrës së trashë në fazën 4. Lajmin e bëri të ditur gruaja e tij, Angie Lee Graham në një postim në llogarinë e saj në Instagram të enjten, duke shkruar se Lee vdiq atë mëngjes.

“Ndjeva frymëmarrjet e tij të fundit, e mbajta fort dorën dhe ndjeva se rrahjet e tij të zemrës po largoheshin ngadalë”, shkroi ajo. “Ai kishte një buzëqeshje në fytyrën e tij dhe ishte i rrethuar nga ata që do. Ishte paqësor dhe i përsosur.”

Ajo ndau fotot e tyre me vajzën e tyre Samantha, duke e quajtur atë një “burrë, baba, bir, vëlla, mik, këngëtar, aktor dhe dishepull i pabesueshëm i Krishtit me besim të madh tek Ati i tij në qiell”. Angie lavdëroi burrin e saj të ndjerë për ndikimin e shumë “njerëzve dhe komuniteteve”, duke shprehur se ai i ndihmoi të tjerët të bëheshin njerëz më të mirë.