Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Komedia “Farsa e Kurorës”, pas premierës në Eksperimental shkon në teatrin e Gjirokastrës

Postuar: 14/05/2019 - 07:34

Premiera e komedisë “Farsa e Kurorës” me autor Arben Iliazin dhe regji të Ledian Gjeçit u shfaq për publikun në sallën Moliere në Teatrin Kombëtar Eksperimental “Kujtim Spahivgoli”. Ky projekt teatror u realizua në bashkëpunim me teatrin “Zihni Sako” në qytetin e Gjirokastrës. Pas mbrëmjes në Tiranë shfaqja premierë do të vijojë për tre mbrëmje me radhë në teatrin “Zihni Salo” nga data 14 deri më 16 maj. Me regji nga Ledian Gjeçi rolet në skenë luhen nga aktori Xhuliano Brisku që vjen si dashnori, Erion Hinaj në rolin e Dinos si bashkëshorti dhe aktorja Dajana Nenaj në rolin e gruas së re me emrin Kamila, që janë tre protagonistët e komedisë farsë. “Farsa e Kurorës” vjen në skenë si një vepër e ndërtuar brenda një konflikti thelbësor familjar, që zhvillohet në sy të publikut. Regjisori Ledian Gjeçi shprehet se vazhdon të ketë në vëmendjen e tij vepra të autorëve shqiptarë për ti sjellë në teatër. “Zgjodha këtë vepër për në skenë, sepse besoj se kemi çfarë ti themi realitetit shqiptar, por edhe sepse kam një ndjeshmëri të veçantë ndaj dramës shqipe. Shfaqja është premierë në Teatrin Kombëtar Eksperimental, pastaj do të vijojë edhe në teatrin e Gjirokastrës “Zihni Sako”, pasi kjo që po bëjmë është projekt i këtij teatri”, tregon regjisori Gjeçi. Me tre aktorë në skenë vepra sipas regjisorit Ledian Gjeçi do ta bëjë publikun të reflektojë. “Në ngjarjet e veprës publiku do të gjej mundësinë për t’u argëtuar, por dhe për të reflektuar mbi lakminë e mbi tradhtinë”, shprehet mes të tjerave regjisori i komedisë “Farsa e Kurorës”. Ndërsa mbrëmë për publikun u soll në skenë kjo premierë, në Teatrin Kombëtar Eksperimental “Kujtim Spahivogli” po vijojnë të shfaqen pjesë të ndryshme të autorëve shqiptarë, por dhe të huaj për publikun. Ndërsa një pjesë janë premiera, të tjerat janë dhe rikthime në skenë.

Puna për veprën

Këtë herë në skenën e teatrit si regjisor Ledian Gjeçi sjell një komedi shqiptare, por ndërsa flet për vëmendjen që i kushton veprave të autorëve shqiptarë, po ashtu vlerëson edhe bashkëpunimin me aktorët. Sipas tij puna për realizmin e kësaj komedie ka qenë shumë produktive. “Aktorët në shfaqje që janë Erion Hinaj, i cili luan burrin, Dajana Nenaj e cila luan gruan, dhe Xhuljano Brisku i cili luan dashnorin, edhe disa personazhe të tjerë surprizë, puna për realizimin ka qenë shume produktive dhe shpresojmë se kemi bërë maksimumin në raport me kohën e shkurtër që patëm në dispozicion”, tregon regjisori Ledian Gjeçi. Skenograf dhe kostumograf në komedi është Gazment Koçollari. Komedia “Farsa e Kurorës” që nuk do t’i mungojë skenës së teatrit të Gjirokastrës “Zihni Sako” në 14, 15, 16 maj gjithashtu do të jetë dhe në skena të tjera të rretheve si Elbasan, Korçë, Vlorë, Berat etj. Sipas regjisorit “Farsa e Kurorës” është një komedi groteske, e cila ka në qendër të saj jo vetëm dy të rinj, por dhe një bashkëshort që ka vjedhur paratë e popullit. Në komedinë “Farsa e Kurorës” bëhet fjalë për një vajzë të re, e cila është e lidhur me një djalë të varfër që punon garderobier teatri, dhe nga ana tjetër ajo është e martuar me një burrë të pasur, që është sa dyfishi i moshës së saj, i cili është zyrtar i lart dhe vjedhës i parave të popullit. Vajza bashkë me të dashurin synojnë të marrin paratë e vjedhura nga bashkëshorti i saj edhe të arratisen të dy diku larg tij. Pas shumë përpjekjesh, e duke e vënë herë pas here në lojë bashkëshortin ata ja dalin t’ia marrin paratë dhe ikin të kënaqur, duke e lënë të vetëm e të varfër ish pasanikun.

Nga Julia Vrapi

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 26/05/2019 - 07:45

 Shfaqja teatrore "Shkumsi" u shfaq për publikun në Teatrin Kombëtar Eksperimental "Kujtim Spahivogli".

Postuar: 26/05/2019 - 07:44

Festivali “Korça Folk-Fest 2019-Shpirti i Ballkanit” përcolli në qytetin e Korçës një

Postuar: 26/05/2019 - 07:42

Poeti njohur Jorgo Papingji në krijimtarinë e tij në tekstet e këngëve të ndryshme ka marrë shumë

Postuar: 25/05/2019 - 07:31

 Xhamia Mbret ose Xhamia e Sulltanit, një nga xhamitë kryesore të qytetit të Beratit, ndodhe

Postuar: 25/05/2019 - 07:30

Filmi artistik me metrazh të shkurtër “The Van” konkurron për “Palmën e artë&rd

Postuar: 25/05/2019 - 07:28

Piktori Vangjel Gjikondi shprehet se mënyra se si po funksion Galeria Kombëtare e Arteve nuk ësht

Postuar: 24/05/2019 - 07:26

Teatri Kombëtar Eksperimental "Kujtim Spahivogli" bën me dije se shfaqja teatrore &ldqu