Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Komedia “Nuk dëgjoj, nuk shikoj, nuk flas”, në skenën e Korçës

Postuar: 20/11/2019 - 07:31

Në teatrin e qytetit të Korçës po vazhdojnë të jenë në skenë vepra të ndryshme teatrore. Regjisorë dhe aktorë të ndryshëm janë pjesë e jetës artistike të këtij teatri, që pret në skenën e tij edhe komedinë “Nuk dëgjoj, nuk shikoj, nuk flas”. Teatri “Andon Zako Çajupi” shprehet se është një komedi, që ka korru sukses në skena më parë dhe në mbrëmjet e datave 23 dhe 24 nëntor do të jetë për publikun korçar. “Ejani të kaloni mbrëmje plot humor me aktorët më në zë të këtij zhanri.Një komedi, e cila ka korrur sukses të jashtëzakonshme, vjen në skenën e teatrit”, shprehet institucioni. Komedia “Nuk dëgjoj, nuk shikoj, nuk flas” e shkruar nga autori Jorgos Theodosiadis ka producente Shegushe Bebetin, dhe vjen në skenë nga regjisorët Donard Hasani dhe Valdrin Hasani. Vepra interpretohet nga aktorët Romir Zalla, Vin Bejleri, Alert Çeloaliaj dhe Jorida Meta. Si regjisor, Donard Hasnai është shprehur se ideja e veprës është që njerëzit me aftësi të kufizuar mund të bëjnë një jetë si gjithë të tjerët. “Vepra trajton dhe ata njerëz, që kanë aftësi të kufizuara që mund të bëjnë një jetë si gjithë të tjerët, të ecin dhe të zhvillohen. Kjo është si një ide e saj. Në veprën, që njëri nuk dëgjon, njëri nuk shikon dhe njëri nuk flet, që kanë rënë në dashuri me të njëjtën vajzë, në këtë moment ata ndodhen para situatave të reja dhe të paprovuara me dëshirën për të fituar gjithsecili dhe për ta bërë për vete këtë femër”, tregon Hasani. Kjo vepër deri tani ka qenë në disa skena të teatrit dhe është mirëpritur nga publiku. Nuk ka munguar më parë edhe në amfiteatrin e Tiranës. Së fundmi kjo vepër teatrore ishte në teatrin e qytetit të Durrësit. Kjo komedi trajton jetën e tre djemve me të meta fizike, të cilët kanë vendosur të ndajnë jetën bashkë në të njëjtin apartament. Spitha nuk flet, ai punon në bibliotekë dhe është poet. Jovani nuk dëgjon, ai ka një restorant dhe është një kuzhinier i shkëlqyer dhe Theofani nuk shikon, ai punon në një call center. Të tre janë të dashuruar me të njëjtën vajzë, pa e ditur asnjëri që është e njëjta që ata duan. Komedia fillon me ardhjen e saj në shtëpinë e tyre, ku të tre befasohen që ajo i njeh dhe secili përpiqet ta bëj për vete, duke u munduar të fsheh të metën fizike që ka. Në fund të gjithë pranojnë, që jeta duhet jetuar me optimizmin për të ecur përpara pa e paragjykuar veten.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 14/12/2019 - 07:28

“Music for Albania” titullohet koncerti i veçantë, që do të mbahet në Sydney të Australisë.

Postuar: 14/12/2019 - 07:28

Komedia franceze “Boeing Boeing” rikthehet në skenën teatrore për publikun.

Postuar: 14/12/2019 - 07:27

Festivali Folklorik Tipologjik Kombëtar i Iso-polifonisë u zhvillua në qytetin e Vlorës, duke mbl

Postuar: 14/12/2019 - 07:26

Ekspozita e “Plein Air” vjen në edicionin e pestë për publikun.

Postuar: 13/12/2019 - 07:24

Festivali Letrar për të Rinj “Tirana 2019” shpalli fituesit e edicionit të pestë, në

Postuar: 13/12/2019 - 07:24

Drama "Tre vetë në një varkë pa llogaritë Nik Prel Mujën", shkruar dhe me regji nga Ste

Postuar: 13/12/2019 - 07:22

Komedia “Zyrtarisht beqare” shoqëron këtë fundjavë publikun në teatrin “Skampa&