Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Komedia që shkon për dreq”, në skenën e festivalit të Korçës

Postuar: 07/09/2018 - 07:34

 Komedia që shkon për dreq” u shfaq mbrëmë në skenën e festivalit të komedisë “Kokofest” në qytetin Korçës. Vepra teatrore shkruar nga Henry Shields Jonathan Sayer dhe Henry Lewis me regji nga Driada Dervishi ka bërë bashkë artistë të njohur nga Tirana dhe Durrësi. Aktorët në role janë Romir Zalla Gentian Zenelaj, kemi në skenë Monika Lubonjën, Alesia Xhemalaj, Sokol Angjeli, Donald Shehu dhe me pjesëmarrjen e veçantë të aktorit Bujar Asqeriu. Në vepër një trupë amatore aktorësh pas përpjekjeve të pafund për të vënë një shfaqje më në fund gjejnë një vepër, që ka aq personazhe sa janë dhe ata vetë. Në shtëpinë e Havershameve ka ndodhur një vrasje, të gjithë janë të dyshuar. Dashuri të fshehta, dredhi nga më mizoret ndodhin në këtë shtëpi. A do mundet vallë të gjendet fajtori?! Dhe pikërisht atëherë kur gjërat duket sikur po shkojnë për mbarë në të vërtetë shkon për dreq. Aktorët harrojnë tekstin, aktores kryesore i bie të fikët, harrojnë të fusin objekte. Pavarësisht gjithçkaje ata janë të vendosur ta çojnë këtë komedi deri në fund dhe që publikun e gjen tek produksioni më i fundit i teatrit të Durrësit. Regjisorja Driada Dervishi më herët është shprehur se mbrëmjet me këtë shfaqje kalojnë më së miri në teatër. “Komedia na shkon për dreq....them ta kalojmë me të qeshura! Si antidoti më i mirë për të larguar energjitë jo të mira, si terapia më e mirë për ta shijuar jetën”, pohon regjisorja Dervishi. Vepra është me përkthim Artur Lena, muzika nga kompozitori Endri Sina, skena Beqo Nanaj, kostumet Elva Bella, lëvizja skenike Donald Martini, grafika e video Endri Beqo, realizimi i videos Ervist Muhadri. Festivali mbarëkombëtar i komedisë “Kokofest” po zhvillon edicionin e pestë në qytetin e Korçës. Edhe këtë vit sipas drejtuesve është menduar të jetë me pjesëmarrjen e trupave të ndryshme që do të sjellin komeditë në skenë, por dhe ta shndërrojnë Korçën në një qytet festiv dhe argëtues për qytetarët dhe turistët, që vizitojnë qytetin e serenatave. Drejtoresha artistike e festivalit Zamira Kita pohon se këtë vit janë tetë shfaqje teatrore në skenë, nga data 1 deri më 8 shtator. Aktorët Reshat Arbana, Tinka Kurti, Margarita Xhepa, Mirush Kabashi, Yllka Mujo, Guljem Radoja dhe të tjerë të ftuar së bashku me anëtarët e jurisë, Ndriçim Xhepa, Luiza Xhuvani, Rajmonda Bulku, Adem Karaga nga Maqedonia dhe Enver Petrovci nga Kosova janë pjesë e këtij edicioni të pestë.

/Agjensia e Lajmeve Sot News/

Na Beni Like Ne Facebook: 
Total votes: 13

Lajme nga e njejta kategori

Postuar: 25/09/2018 - 09:41

Ambasada Franceze fton në Tiranë kompaninë “Transe Express” e themeluar më 1982, e cila konsiderohet si një nga kompanitë më të rëndësishme në Francë dhe në Evropë të cirkut dhe performancës, të prezantojë

Postuar: 25/09/2018 - 08:05

Këtë rradhë grupimi i piktorëve pleneristë nga Shqipëria ishin të ftuar nga disa komuna të jugut

Postuar: 25/09/2018 - 07:59

Opera “Carmen” zyrtarisht realizon aktin e parë të protokollit të bashkëpunimit të TO

Postuar: 25/09/2018 - 07:57

Festivali Mbarëkombëtar i Teatrit, cilësuar si ngjarja më e rëndësishme teatrore e vitit ka nisur

Postuar: 23/09/2018 - 08:05

Festivali Mbarëkombëtar i Teatrit nis mbrëmjen e sotme dhe është cilësuar si ngjarja më e rëndësi

Postuar: 23/09/2018 - 08:03

Ansambli Kombëtar i Këngëve dhe Valleve “Shota” sjell premierën e re “Kumt&rdqu

Postuar: 23/09/2018 - 07:58

Krijimtaria në vend nuk mbështetet sa duhet për zhvillimin e saj, por problem mbetet dhe zbatimi