Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
Ja kur pritet që të bëhet rritja e pensioneve këtë vit, shpërndarja në bankë do të nisë nga 1 prilli, eksperti Kujtim Hoxha jep detaje për bonusin që do të marrin të moshuarit
Idajet Beqiri: Ilir Meta i përfshirë në 3 vrasje, ja si tentoi të eliminonte edhe dëshmitaren kyçe të aferës ‘CEZ-DIA’ që do i bëjë gropën në SPAK dhe si i pastroi në bashkëpunim me Sali Berishën 6 miliardë lekë në Afrikë
Avokati Arben Llangozi tregon kush është krahu i djathtë i Edi Ramës që është përfshirë në korrupsion e pastrim parash, ja si SPAK po e heton veçmas nga dosjet “përvëluese” dhe si rrezikon të arrestohet për zhdukjen e 10 milionë eurove ...
Spartak Ngjela plas “bombën”: Ilir Meta është tmerruar nga drejtësia, SPAK i ka gjetur miliona lekë, ja pse do të ketë arrestime të reja në mazhorancë
Ja si është “pushtuar” administrata nga familjarët e deputetëve dhe politikanëve, nga Evis Kushi, Etilda Gjonaj, deri te Lindita Nikolla dhe Ferdinad Xhaferraj
Kompozitorët, apel Kumbaros: Shpëtoni muzikën kombëtare, krijoni Institutin e Muzikës Shqiptare
Shkruar nga SOT.COM.AL 14 Gusht 2018
Krijimtaria muzikore shqiptare pa vëmendje, krijuesit bëjnë apel në drejtim të institucioneve dhe Ministrisë së Kulturës pasi partiturat po zhduken. Flitet për vlerat kombëtare, por sipas krijuesve të muzikës shqiptare ato janë harruar nga institucionet. Ministria e Kulturës ka dhe peshën kryesore përballë vlerave muzikore shqiptare, ndaj kompozitorët shqiptarë pohojnë se krijimi i Institutit të Muzikës Shqiptare është emergjente. Kompozitorët Haig Zacharian dhe Miron Kotani shprehen se është e domosdoshmëri e kohës krijimi i një instituti të tillë, që ekziston në vende të tjera të botës, por mungon në Shqipëri. Në një reagim kompozitori Miron Kotani, i cili herë pas here përmes shkrimeve të tij bën apel për krijimtarinë muzikore shqiptare shprehet se Ministria e Kulturës ka drejtori dhe specialistë që duhet të mendojnë për arkivin, bibliotekën apo dhe muzeun kombëtar të muzikës shqiptare.
“Ministria e Kulturës ka drejtori, ka specialistë që merren me artin dhe kulturën. Krijimi i Institutit të Muzikës Shqiptare është emergjent dhe domosdoshmëri e kohës. Në të duhet të përfshihet: Arkivi i muzikës shqiptare (dokumentim i plotë i çdo note e tingulli të muzikës shqiptare e hedhur në pentagram); Biblioteka kombëtare e literaturës së muzikës shqiptare ( çdo vepër e botuar deri më sot si dhe çdo gjë që do botohet në lidhje me muzikën shqiptare të jetë e shfrytëzueshme për secilindo të interesuar). Muzeu kombëtar i muzikës shqiptare (dorëshkrime, foto, filma, postera, etj, për të gjithë figurat e muzikës shqiptare si kompozitorë, interpretë, solistë e këngëtarë, orkestrues, kritikë muzike, etj, gjithçka për personazhet e muzikës kombëtare shqiptare”, shprehet kompozitori Kotani. Libraria kombëtare e muzikës shqiptare është një tjetër kërkesë e për krijimtarinë e autorëve tanë. Kompozitori Miron Kotani shkruan në Facebook se përmes saj do të ketë më shumë mundësi për përhapjen e muzikës shqiptare në botë. “Me librarinë kombëtare të muzikës shqiptare çdo krijim i autorëve shqiptarë të ketë mundësi për t’u përhapur në mbarë botën sipas të gjitha rregullave të pronësisë intelektuale”, vijon kompozitori.
Koha nuk pret për partiturat muzikore
Për krijuesit e muzikës çdo qeveri dhe Ministri Kulture duhet të ketë primare që të shpëtohet dhe të integrohet muzika kombëtare. Kompozitori Miron Kotani shkruan se në këtë drejtim duhet punuar shumë dhe për rregullimin e bazës ligjore. Kompozitori thekson se në Institutin e Muzikës Shqiptare të përfshihet dhe krijimi i bordit, që do të merret me hartimin e amendamenteve ligjore dhe bazën e duhur ligjore për funksionimin e institutit. “Do të jetë një institucion i së ardhmes - si shtëpia e të gjithë kompozitorëve, krijuesve e interpretëve shqiptarë e ku do shikohet mundësia e bashkëpunimit me të gjitha universitetet e institucionet muzikore kudo në botë për bashkëpunimet e nevojat e ndërsjellta të kohës. Për çdo qeveri e Ministri Kulture kjo duhet të jetë primare që të shpëtohet e të integrohet muzika shqiptare, e cila është e harruar dhe e pluhurosur në labirintet e kohës. Koha nuk pret. Partiturat janë në zhdukje e sipër. Apeli im qytetar: shpëtoni muzikën kombëtare shqiptare. Krijoni Institutin e Muzikës Shqiptare”, shkruan kompozitori Miron Kotani në Facebook. Kompozitori Haig Zacharian ndërsa e mbështet këtë ide vijon se në shtete të tjera institucione të tilla kanë prioritete. “Një institucion të tillë për muzikën e kam parë dhe në Hungari. Unë bashkohem me mendimin e Mironit për krijimin e një institucioni të tillë. Ne na duhet që të kemi një institucion më vete për muzikën tonë, siç është përshembull dhe GKA për artin pamor apo dhe të tjera institucione. Diskutimi që bëhet është i domosdoshëm, por dihet që vendimet nuk merren nga ne si krijues, janë institucionet shtetërore, Ministria e Kulturës për këtë problem”, pohon kompozitori Haig Zacharian./ Julia VRAPI