Lajme të tjera
BREAKING NEWS

Fillon procesi gjyqësor ndaj Izet Haxhisë, nisin telashet për Sali Berishën, Prokuroria kërkon thirrjen e dëshmitarëve përfshirë ish-kryeministrin, Ylli Rakipin...

Fillon procesi gjyqësor ndaj Izet Haxhisë, nisin telashet për
x

Kultura

Koncert i artistëve austriakë në skenën e arteve në Tiranë

Koncert i artistëve austriakë në skenën e arteve në

Artistët Austriakë Michael Schmiedhammer (piano) dhe Johannes Kretz (elektroakustikë) mbajtën një koncert në Universitetin e Arteve. Programi i koncertit përmbante vepra për piano solo nga Mozart, Debussy dhe Schmiedhammer, sikurse dhe për piano dhe elektroakustikë nga Johannes Kretz. Ndërveprimi mes elektroakustikës dhe instrumenteve muzikorë është një fenomen i rrallë në Shqipëri, ndërkohë që në mbarë botën aplikohet prej kohësh. Kësisoj koncerti i artistëve austriakë mund të konsiderohet ndër koncertet më të veçanta të axhendës kulturore në vendin tonë. Kjo jo vetëm për shkak të kombinimit mes një instrumenti tashmë tradicional, sikurse është piano, dhe teknologjisë së fundit në funksion të krijimtarisë muzikore, por sidomos për nivelin e lartë artistikë që u dëshmua nga artistët. Për publikun kryeqytetas tingëlloi mjaft origjinal dhe i çuditshëm, fakti që Kretz, interpretonte dhe ndërvepronte me pianistin Schmidhammer, nëpërmjet tabletit të tij. Koncerti në fakt, të krijonte përshtypjen e një rrugëtimi të këndvështrimit artistik, që kompozitorët austriakë kanë pasur, dhe kanë rreth mundësive të pafundme që mund të ofrojë instrumenti i pianos, ku sigurisht qasjen më origjinale e përfaqësonte kombinimi mes këtij instrumenti dhe teknologjisë. Koncerti i Kretz dhe Schmidhammer, mbështetur nga Ambasada Austriake, erdhi në përfundim të një masterclass tre ditor që prof. Johannes Kretz mbajti për studentët e Fakultetit të Muzikës në Universitetin e Arteve Tiranë. Masterclass i Kretz, mbajtur në kuadër të bashkëpunimit mes Departamentit KMDP në Universitetin e Arteve Tiranë dhe Departamentit të Kompozicionit, Elektroakustikës dhe Inxhinierisë së Zërit në Universitetin e Muzikës dhe Arteve Interpretuese Vjenë, u përqendrua në mundësitë që ofron sot teknologjia e fundit për krijimtarinë muzikore artistike. Ky bashkëpunim, sipas shefit të departamentit KMDP në Universitetin e Arteve Tiranë, prof. asoc. Dorian Çene, synon të zhvillohet në të ardhmen sidomos për sa i përket drejtimeve që kanë të bëjnë me teknologjinë në muzikë çka, për studentët do të sjellë një qasje më praktike ndaj tregut të punës.