Koncerti “Kontrapunkt” me tingujt e pianos në TKOB

Kryeveprat më të bukura të literaturës pianistike botërore dhe shqiptare erdhën me koncertin recital "Kontrapunkt” me pianistin Marin Gjollma. Koncerti “Kontrapunkt” u zhvillua në Teatrin Kombëtar të Operës dhe Baletit në vijim dhe të tjera veprimtarive këtë sezon artistik. TKOB shprehet se është shtëpia e të gjithëve, ku përkrahen e promovohen talente të artistëve të rinj, dhe jo vetëm. “Tingujt e pianos u shkrinë magjishëm në errësirën e natës, me koncertin recital "Kontrapunkt", duke mbledhur në hollin koncertor dashamirës të artit, për të përjetuar në tempullin tonë të muzikës kryeveprat më të çmuara të literaturës pianistike botërore, nga pianisti virtuoz, Marin Gjollma”, thuhet nga TKOB në faqen e tij që ka ndarë dhe foto të koncertit në rrjete sociale. Pianisti Marin Gjollma është një emër i njohur për publikun edhe me koncerte të tjera, që ka zhvilluar më parë. Koncerti që u zhvillua disa ditë më parë në hollin koncertit të TKOB vjen në vijim të aktivitetit të tij artistik në fushën e muzikës. Teatri Kombëtar i Operës dhe Baletit pas këtij koncerti me pianistin Gjollma së shpejti sjell një tjetër koncert për publikun. “Ju mirëpresim në koncertin e datës 19 maj "Tingujt e Luftës së Parë Botërore"!”, shprehet TKOB. Vepra shqiptare dhe të huaja janë pjesë e kalendarit artistik të Teatrit Kombëtar të Operës dhe Baletit gjatë vitit 2023. Drejtoresha e TKOB Abigeila Voshtina gjatë prezantimit të kalendarit artistik më parë u shpreh se përmban një program me synim rritjen e cilësisë artistike. Kalendari vjetor përmban disa nga kryeveprat e Verdit, por veçantia e programit sipas saj drejtoreshës së TKOB më parë qëndron tek risitë. Mes shfaqjeve drejtoresha Abigeila Voshtina tha se dallohen tituj veprash që vijnë për herë të parë në skenën shqiptare, ashtu sikurse ka edhe rivënie të disa veprave, që kthehen pas shumë vitesh në skenë.