Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Konferenca për leksikun, mbledh studiuesit në Prishtinë

Postuar: 10/10/2019 - 07:40

Konferenca shkencore me temën “Studime për leksikun dhe leksikografinë dialektore” mblodhi studiuesit në Prishtinë. Në këtë konferencë prezantuan punimet e tyre leksikografike emra të shquar të shkencës së albanologjisë. Qëllimi i kësaj konference, sipas organizatorëve është prezantimi i punës dhe projekteve që janë realizuar dhe që janë në realizim e sipër, njëkohësisht edhe nxjerrja në pah e studimeve dhe të arriturave të viteve të fundit nga fusha e leksikografisë. Shefi i Degës së Gjuhësisë në Institutin Albanologjik Naim Berisha tha se gjatë këtij viti janë bërë projekte të shumta gjuhësore kushtuar leksikut. “Kjo konferencë u ideua si mundësi dhe si nevojë e prezantimit të projekteve dhe të arriturave që ka shënuar kjo degë. Por, edhe si mundësi e njohjes me të arriturat e qendrave tjera shkencore gjithandej trojeve shqiptare. Dega e Gjuhësisë së Institutit Albanologjik duke pasur në përbërjen e saj sektorin e leksikut në vazhdimësi u ka kushtuar rëndësi projekteve shkencore të kësaj fushe. Është bërë një punë mjaft e rëndësishme në mbledhjen e leksikut dialektor dhe janë ndërtuar një mori fjalorësh”, tha ai. Në konferencë, studiuesi nga Shqipëria, Valter Memisha interpretoi kumtesën e Jani Thomait, të veprës leksikografike të Avdulla Zymberit, ku përmendi eufemizmat krahinore në këtë vepër si ato të gjallesave të ndryshme. “Sipas të dhënave identifikuese të të folurave në këtë fjalorth dhe të trajtave fonetike të fjalëve në shembuj, duket që ato tërësisht janë të dialektit të veriut të Kosovës dhe të Shqipërisë. Pra, ky është fjalor dialektor kryesisht, i të folurave të gegnishtës veriore e verilindore. Shënimet identifikuese të trajtave fonetike të fjalëve në shembuj, sipas krahinës kanë sjell dy rrjedhoja. Rrjedhoja e parë është përfshirja në fjalor si leksiona në vete edhe e trajtave krahinore të fjalëve të përgjithshme jo krahinore si: baballak, bablok, bishtak etj”, tha ai. Në këtë konferencë në Institutin Albanologjik morën pjesë leksikografë nga Universiteti i Prishtinës, Universiteti i Prizrenit, Universiteti i Gjilanit, Akademia e Shkencave e Shqipërisë, Instituti i Gjuhësisë dhe i Letërsisë (ASA) në Tiranë, Universiteti i “Ismail Qemaili” Vlorë, Universiteti “Aleksandër Moisiu” Durrës, Katedra e Albanologjisë e Universitetit të Beogradit, Universiteti “Cyril and Methodius” Shkup, Universiteti Shtetëror i Tetovës dhe Universiteti i Evropës Juglindore.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 13/10/2019 - 08:07

Pëllumb Rira është skulptor, piktor, qeramist, i cili vjen nga një familje me tradita në artin pamor.

Postuar: 13/10/2019 - 08:05

Opereta “Die Fledermaus” vjen për publikun në teatrin “Bylis” në qytetin

Postuar: 13/10/2019 - 08:02

Dekada me aktivitetin artistik, aktorja Marilda Furxhi ka sjellë personazhe të ndryshme në skenën

Postuar: 12/10/2019 - 08:05

Drama “Xhelatët” e autorit  McDonagh është vepra e parë, që çeli sezonin artisti

Postuar: 12/10/2019 - 08:03

Vepra "Carmina Burana", kompozimi i Carlf Orff për herë të parë vjen në versionin e saj

Postuar: 12/10/2019 - 08:01

Akademia e Shkencave e Shqipërisë përmes një letre drejtuar Akademisë Suedeze në Stokholm shpreh

Postuar: 12/10/2019 - 08:00

Artistët e cirkut shprehen se institucioni është në një ngërç administrativ dhe përgjegjësia ësht