Konferencë shkencore mbi probleme të reja të albanologjisë në kohën e sotme

Konferenca shkencore ndërkombëtare “Probleme të reja të albanologjisë në kohën e sotme” do të zhvillohet për dy ditë me radhë në Shkodër. Universiteti i Shkodrës “Luigj Gurakuqi”, në bashkëpunim me Akademinë e Shkencave të Shqipërisë, për dy ditë me radhë nga data 25-26 maj do të organizojnë këtë konferencë që do të trajtojë disa nga sfidat kryesore të albanologjisë në ditët e sotme, si perspektiva e saj në kuadër të kulturës europiane, kuptimi epistomologjik i saj, perspektiva arkeologjike në studimet albanologjike, modelet e e shkrimit të studimeve albanologjike, studimet albanologjike në mesjetë, roli i dialekteve gjuhësore me gjuhën standarde dhe anasjelltas, rishkrimi i historisë, studimet letrare në albanologji dhe kontributi i disa albanologëve të shquar në studimet shqiptare. Në konferencë marrin pjesë 36 studiues të albanologjisë nga Universiteti i Shkodrës “Luigj Gurakuqi”, Akademia e Shkencave së Shqipërisë, Institutet e Historisë dhe Letërsisë si, dhe katedra të tjera universitare në Shqipëri. Kjo konferencë organizohet menjëherë pas nënshkrimit të marrëveshjes së bashkëpunimit midis dy institucioneve dhe në kuadër të rëndësisë së veçantë që Akademia e Shkencave së Shqipërisë i jep studimeve albanologjike, si studimet që janë parësore mbi arkeologjinë, identitetin, gjuhën, historinë dhe letërsinë shqiptare. Konferenca që zhvillohet këto dy ditë vjen në vijim dhe të tjera veprimtarive, që janë zhvilluar më parë nga Akademia e Shkencave e Shqipërisë. ASH është themeluar më 1972. Ajo përfshin akademikë, të cilët zhvillojnë veprimtari shkencore në institute dhe qendra kërkimore, si dhe organizma të tjerë shkencorë brenda dhe jashtë vendit.