Konkursi ndërkombëtar për muzeun “Besa”, Ministria e Kulkturës shtyn afati deri më 30 mars

Muzeu “Besa” do të ngrihet në godinën e njohur si Shtëpia e Libohovitëve, monument kulture, që ndodhet në krah të Kalasë së Tiranës dhe Sarajeve të Toptanëve. Ministria e Kulturës hapi më parë dhe konkursin ndërkombëtar për realizimin e projektit për muzeun. Ministrja Elva Margariti shprehet në rrjete sociale se vazhdon te jetë i hapur konkursi për realizimin e projektit për muzeun “Besa”. “Ideja jonë dhe projekti juaj do sjellë në jetë një #muze unik, për një dimension unik të shqiptarëve”, shkruan ministrja e Kulturës, ku afati për pjesëmarrje në konkurs është deri më datën 30 mars. Qëllimi i konkursit ndërkombëtar, që u hap nga Ministria e Kulturës është të përftohen koncepte bashkëkohore dhe vizionare për ndërhyrje të karakterit arkitekturor dhe restaurues për rehabilitimin dhe adaptimin e objektit ekzistues me status "monument kulture", kategoria I, si dhe ndërhyrje rijetësuese, të cilat synojnë krijimin e një hapësire të re kulturore të shtuar në kryeqytet. Konkursi ndërkombëtar për projektin e muzeut "Besa" i hap udhë krijimit të një destinacioni të historisë së lavdishme të shpëtimit të hebrenjve gjatë Luftës së Dytë Botërore, si edhe të historisë, traditës, kulturës dhe artit hebraik. Qëllimi i konkursit ndërkombëtar që u hap nga Ministria e Kulturës është të përftohen koncepte bashkëkohore dhe vizionare për ndërhyrje të karakterit arkitekturor dhe restaurues për rehabilitimin dhe adaptimin e objektit ekzistues me status "monument kulture", kategoria I, si dhe ndërhyrje rijetësuese, të cilat synojnë krijimin e një hapësire të re kulturore të shtuar në kryeqytet. Ndërhyrjet në këtë objekt do të zhvillohen në tre linja/kategori: Ndërhyrje restauruese; Ndërhyrje rijetësuese/ Funksione të reja; Muzealizim. Juria e konkursit do të përbëhet nga shtatë anëtarë, ekspertë vendas dhe të huaj me përvojë në fushën e arkitekturës, muzealizimit, kurimit të ekspozitave, etj.