“Korça Short Film Festival” me 70 filma nga 28 vende të botës

“Korça Short Film Festival” këtë vit vjen me filma na 28 vende të ndryshme të botës. Një festival që ka disa vite që zhvillohet në vendin tonë, ku dhe këtë vit në Korçë ka nisur me filmat që në datë 18 shtator në kinema Majestic. Qendra Kombëtare e Kinematografisë (QKK) shprehet në faqen e saj se festivali përfundon në datë 22 shtator, dhe filmat këtë edicionin të këtij vitit janë të ndarë në tre kategori. “Këtë vit do të shfaqen 70 filma nga 28 vende të ndryshme të botës, të cilat janë të ndara në tre kategori, ku 35 prej tyre do të garojnë në tre garat kryesore”, thuhet nga Qendra Kombëtare e Kinematografisë për këtë festival filmi, që ka nisur para pak ditësh. Po sipas QKK gjithashtu këtë vit pati dhe një shfaqje speciale “Made in Germany” nga “Oberhausen on Tour”. ““Oberhausen Film Festival” është festivali i filmit me metrazh të shkurtër më i vjetër në botë, i cili është themeluar në vitin 1954”, thuhet nga Qendra Kombëtare e Kinematografisë. “Korça Short Film Festival” nesër ka ditën e fundit të tij dhe festivali sipas QKK zhvillohet në ambientet e Kinema Majestic, duke tentuar rivënien në punë të kinemasë më të vjetër në Shqipëri. Korça ka mirëpritur edhe këtë vit festivalin ndërkombëtar të filmit me metrazh të shkurtër, ku drejtori artistik është Gledis Bica. Në festival 99 për qind e filmave janë premiera kombëtare. Të gjithë filmat janë të përkthyer në gjuhën shqipe dhe angleze. “KO:SH Film Festival” një vit më parë zhvilloi edicionin e 5-të të prezantimit të filmave me metrazh të shkurtër në qytetin e Korçës, ku për 5 net u shfaqën prodhime kinematografike nga vende të ndryshme të botës.