Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Liceistët e vitit 1976, në ekspozitën e artit pamor “Përsëri bashkë” në Muzeun Kombëtar

Postuar: 13/11/2019 - 07:34

 “Përsëri bashkë” titullohet ekspozita e artit pamor e liceistëve të vitit 1976, në Muzeun Historik Kombëtar. Pas 43 viteve, që kanë lënë bankat e shkollës së mesme artistike “Jordan Misja”, punët e piktorëve dhe skulptorëve janë prezantuar në këtë ekspozitë. Në ekspozitë janë punët e artistëve Adnand Bushati, Artjon Baboçi, Artur Dauti, Besim Dadaj, Bujar Veseli, Dhimitra Misrasi, Fatmir Boshnjaku, Fatos Kola, Hektor Beluli, Jordan Findiku, Leonard Dori, Musa Musai, Njazi Hyseni, Pashuk Shtjefni, Rajmonda Mato, Ramazan Memishaj, Shaban Bilali dhe Shaqir Veseli, ku i ftuar është dhe Skënder Strica me punët e tij. Në ekspozitë është prezantuar dhe puna Skënder (Gjergji) Lakos, pedagog në lice. Pjesëmarrës në këtë ekspozitë, që u çel për publikun në Muzeun Historik Kombëtar, artisti Fatmir Boshnjaku tregon se janë prezantuar punë në gjini të ndryshme të artit. Duke folur për ekspozitën, piktori Boshnjaku shprehet se malli i atyre viteve në liceun “Jordan Misja” i bëri bashkë në këtë ekspozitë. “Ne jemi një grup artistësh, si piktorë, skulptorë, ka që merren me filmin, etj. U bëmë bashkë për mallin, nostalgjinë, kujtesa, respekti për njëri-tjetrin dhe kjo është më njerëzore për ne. Në këtë ekspozitë ne si artistë jemi prezantuar me punime të ndryshme. Ka piktura, grafika, instalacione, fotografi, skulpturë, etj”, pohon Fatmir Boshnjaku, piktor dhe kurator i ekspozitës. Në këtë ekspozitë, që vjen me titullin “Përsëri bashkë” prezantohen punime të reja për publikun, por një pjesë e tyre janë prezantuar dhe më parë. Piktori Fatmir Boshnjaku shton më tej se ekspozita ka shumë rëndësi për ata si pjesëmarrës, sepse për herë të parë pas 43 vitesh bëhen bashkë. “Janë 108 punime, që janë prezantuar nga ne, si dhe janë dhe punët e një pedagogu tonë që nuk jeton më, Skënder Lako. Ka peisazhe, kompozime, etj. Janë punë, që janë bërë vetëm për këtë ekspozitë, por ka dhe të tjera që nuk janë prezantuar më parë për publikun. Kjo është ekspozita e parë, që ne mbledh bashkë pas kaq vitesh në Muzeun Historik Kombëtar”, tregon mes të tjerave piktori Fatmir Boshnjaku.

Dashuria për artin

Ekspozita me mbi 100 punime është çelur për publikun në Muzeun Historik Kombëtar, por sipas piktorit Fatmir Boshnjaku një pjesë e këtij grupi artistësh sot jetojnë jashtë Shqipërie. “Kur ne studionim në liceun artistik “Jordan Misja” ishin vitet 1972-1976. Ka qenë një miqësi shumë e bukur, ne kemi dhe nostalgjinë për atë kohë që kemi jetuar me njëri -tjetrin ato vite. Sot një pjesë prej nesh jeton jashtë Shqipërisë, si në SHBA, Greqi, Itali, Francë, etj. Të gjithë ne vazhdojmë punën dhe aktivitetin tonë me artin. Edhe nëse janë shkëputur dhe nuk janë shumë aktiv, vazhdojnë të prekin penelin për pikturë”, tregon më tej piktori Boshnjaku për artistët pjesëmarrës në këtë ekspozitë me punët e tyre. Këtë herë të gjithë bashkë në Muzeun Historik Kombëtar, por piktori Fatmir Boshnjaku shton më tej se ndër vite si artistë ata kanë marrë pjesë në ekspozita të ndryshme me punët e tyre. “Ne nuk na mbledh asgjë tjetër, por na mbledh vetëm dashuria për artin. Ne gjatë këtyre viteve kemi marrë pjesë më parë edhe në ekspozita të tjera ndër vite, qoftë dhe me grup piktorësh. Por këtë herë ne jemi bërë bashkë, ne që kemi qenë në vitet 1972-‘76 në lice”, shton më tej piktori Fatmir Boshnjaku. Ekspozita do të qëndrojë për publikun në MHK deri më 18 nëntor. Liceu artistik "Jordan Misja" në Tiranë u themelua në vitin 1946, dhe emërtimi u bë në nder të piktorit dëshmor Jordan Misja. Që në fillim të veprimtarisë së tij, me punën dhe angazhimin tregoi se është një qendër e rëndësishme edukative dhe arsimore për përgatitjen e artistëve të rinj në gjini të ndryshme të artit. Liceu artistik "Jordan Misja" për disa dekada ishte e vetmja shkollë e mesme artistike në Shqipëri. 

Nga Julia Vrapi

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 12/12/2019 - 07:26

Ekspozita “The Luxury of Italian Style” u çel për publikun në Muzeun Historik Kombëtar.

Postuar: 12/12/2019 - 07:24

 Aktorja e njohur Eva Alikaj vjen këtë fundjavë me një komedi muzikore në skenë për publikun

Postuar: 12/12/2019 - 07:23

Shoqata Sindikale e Teatrit Kombëtar të Kosovës përshëndet përzgjedhjen e Teatrit Kombëtar në lis

Postuar: 12/12/2019 - 07:22

Në muajin e fundit të vitit, por duket se asgjë nuk u bë për plotësimin e kërkesave të artistëve

Postuar: 11/12/2019 - 07:20

Cirku Kombëtar me aktivitetin e tij është dhe pranë fëmijëve larg arenës.

Postuar: 11/12/2019 - 07:20

Drama "Epsh dhe lakmi", shkruar nga autori Eugene O’Neill më 1925 vjen premierë n

Postuar: 11/12/2019 - 07:19

Kuratorët e ekspozitës “Tirana Patience” Adam Szymczyk dhe Natasa Ilic, përmes një de