BREAKING NEWS

Rihapet 21 Janari, hetime ndaj Berishës për vrasjen e Aleks Nikës, Hekuran Dedës dhe 6 të plagosurve, ja provat tronditëse të policisë në prokurori

Rihapet 21 Janari, hetime ndaj Berishës për vrasjen e Aleks
x

Kultura

Margariti: Muzeu “Marubi” falë vizonit të qeverisë shqiptare u shndërrua në modern

Margariti: Muzeu “Marubi” falë vizonit të qeverisë

Muzeu kombëtar i fotografisë “Marubi” ndër 50 muzetë europinë më novator të dyzet viteve të fundit. “Revisitin Museums of Influence. For decades of Innovation and Public Quality in European Museums” prezanton portretet e 50 muzeve europianë, që kanë sjellë inovacionin për nga trashëgimia e cilësia e ofertës kulturore përgjatë 40 viteve të fundit. Pjesë e këtij klasifikimi janë muze si Rijksmuseum, Hollandë; MuCEM- Museum of European and Mediterranean Civilizations, Francë; The British Galleries at the Victoria and Albert Museum, Britani e Madhe; Museum of Broken Relationships, Kroaci; War Childhood Museum, Bosnjë dhe Hercegovinë. Në një status të saj ministrja e Kulturës Elva Margariti shprehet se muzeu “Marubi”, që ndodhet në qytetin e Shkodrës u shndërrua në modern, dhe nuk mbeti në termat e një arkive. Në fjalët e saj ministrja Elva Margariti shpreh falënderimet për partnerët që ndihmuan, por dhe stafin e këtij institucioni. “Mes këtyre muzeumeve prestigjioze renditet edhe “Marubi”, i cili falë vizionit të qeverisë shqiptare, nuk mbeti në termat e një arkive, por u shndërrua në një muzeum modern, në përputhje me standardet europiane. Falenderim për partnerët tanë, që na mbështetën në ngritjen e këtij muzeu, por edhe për stafin e palodhur, për idetë e reja që ndan me publikun”, shprehet ministrja Margariti, në një status të saj në Facebook. Më parë edhe muzeu “Marubi” në faqen e tij shkruante se ky vlerësim motivon çdo ditë e më shumë të jenë më pranë komunitetit artdashës e po ashtu një publiku të ri, të apasionuar e të vëmendshëm ndaj trashëgimisë kulturore të lënë nga brezat e që transmetohet sot përmes formave inovative e bashkëkohore. Muzeu kombëtar i fotografisë “Marubi”, tashmë në pedonalen kryesore të qytetit të Shkodrës, mban në arkivin e tij rreth 400.000 negativë në pllaka xhami, të organizuar në mënyrë të përkryer dhe të klasifikuar sipas vitit të shkrepjes dhe përmbajtjes së fotografisë. Në dy katet e muzeut do të mund të shihni edhe studiot e fotografit të famshëm, Pietro Marubit, dhe pasardhësve të tij. Pas vdekjes së tij, studion e trashëgoi nxënësi i tij shqiptar e më pas fëmijët e nxënësit, të cilët mbajtën të gjallë dinastinë e familjes Marubi.