Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Margariti në Gjirokastër: Asgjë nuk prishet nga kalldrëmi i stilizuar i viteve '70

Postuar: 17/03/2019 - 07:44

Qafa e Pazarit, e njohur si kompleksi muzeal i qytetit të Gjirokastrës, me vlera të veçanta historike e kulturore, po i nënshtrohet rehabilitimit të plotë. Por heqja e kalldrëmit ka sjellë jo pak reagime nga specialistët e trashëgimisë kulturore, të cilët kanë kërkuar të mos ketë dëmtime. Ndërsa punimet në Gjirokastër po vijojnë, ministrja e Kulturës Elva Margariti shprehet se i është kthyer shkëlqimi i pazarit të harruar. “Prej disa ditësh kam ndjekur me vëmendje të gjitha argumentet pro dhe kundër punimeve në Qafën e Pazarit të Gjirokastrës. Pasi i kthyem shkëlqimin e harruar këtij pazari me rehabilitimin e fasadave dhe çative po punojmë për fazën e dytë të projektit "Rehabilitimi i Qafës së Pazarit të Gjirokastrës”. 3,5 milionë dollarë investim, mbi 5000 m2 restaurim dhe prona të rivlerësuara si asnjëherë më parë i kemi kthyer Pazarit të Gjirokastrës, së bashku me AADF, partnerin tonë strategjik”, pohon Margariti. Më tej ajo vijon se rezultatet e kësaj pune janë fort të prekshme. Sipas saj, sot kemi një zhvillim në rritje të turizmit, falë investimeve të kësaj qeverie, që e ka në qendër të vëmendjes Gjirokastrën. “Në Gjirokastër janë ndërtuar 67 bujtina nga 4 që kishte qyteti para 3 vitesh. Qafa e Pazarit është pjesë e investimeve që po realizohen në kuadër të projektit “Zhvillimi i Integruar Urban e Turistik në Shqipëri” në qendrat urbane të Sarandës, Gjirokastrës, Beratit e Përmetit, i financuar nga Banka Botërore në vlerën 63.8 milionë euro. Me partnerin tonë të rëndësishëm FSHZH po kryejmë realizimin e rehabilitimit të infrastrukturës inxhinierike, rrjetin e furnizimit me ujë, energji elektrike, rrjetin e MNZ, telefonisë e rrjetit Lan si dhe restaurimin e kalldrëmeve e trotuareve, si fazë e dytë e projektit të rehabilitimit”, shton më tej ministrja e Kulturës. Në reagimin e saj Margariti vijon se Ministria e Kulturës dhe IMK janë duke monitoruar çdo fazë në këtë rehabilitim. “Procesi i çmontimit të kalldrëmit ka filluar së pari me dokumentimin e hollësishëm të tij sipas rrugëve në cilat po kryhet ndërhyrja dhe gurët përkatës janë magazinuar sipas rrugëve ku është çmontuar. Asgjë nuk humbet. Asgjë nuk prishet nga kalldrëmi i stilizuar i viteve '70. Po magazinohen dhe pas përfundimit të punimeve të infrastrukturës do të rivendosen shtresat e kalldrëmit. Lajmi tjetër i mirë është se gjatë punimeve u zbuluan pjesë kalldrëmi që mendohet se i përkasin një kohe më të hershme se vitet '70.  Për të gjitha këto informacione është njoftuar Agjencia e Shërbimit Arkeologjik dhe materialet mbi këto gjetje do të shqyrtohen në Këshillin Kombëtar të Arkeologjisë”, shkruan ministrja e Kulturës. Ajo vijon se Qafa e Pazarit, kjo trashëgimi botërore në mbrojtje të UNESCO-s është vetëm një pjesë e investimit dhe vëmendjes së qeverisë për këtë vlerë unike të trashëgimisë kulturore.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/04/2019 - 07:54

Në Ditën Botërore të Librit, në Fakultetin e Historisë dhe Filologjisë pedagogët theksuan sfidat dhe vështirësitë me të cilat përballet libri në Shqipëri.

Postuar: 24/04/2019 - 07:52

 Filmi “Zgjimi i Enver Simakut” me skenar dhe regji nga Marco L

Postuar: 24/04/2019 - 07:49

Regjisorja Eliona Thomaraj shprehet se te “arTurbina” nuk do të pranojë kurrë të shko

Postuar: 23/04/2019 - 07:42

Olen Cesari rikthehet për publikun e Tiranës në një koncert të madh për dy mbrëmje me rradhë në s

Postuar: 23/04/2019 - 07:41

Në “Moscow International Film Festival” u shfaq premiera botërore e filmit artistik &

Postuar: 23/04/2019 - 07:39

Filmi “Internimi” i regjisorit Kast Hasa u shpall filmi më i mirë i huaj në “Ar

Postuar: 23/04/2019 - 07:38

Shkrimtarë dhe studiues sot në Ditën Ndërkombëtare të Librit shprehen se ndihen të larguar nga Mi