BREAKING NEWS

Maturantët çohen në protestë para Qendrës për Shërbimin Arsimor, reagon 'flakë për flakë' ministrja Evis Kushi, tregon vendimin që pritet

Maturantët çohen në protestë para Qendrës për
x
BREAKING NEWS

Priten zhvillime të rëndësishme! Socialistët mbledhin sot Kongresin e jashtëzakonshëm në stadiumin “Air Albania”, rizgjidhen strukturat. Zbardhet e gjithë axhenda

Priten zhvillime të rëndësishme! Socialistët mbledhin sot
x
BREAKING NEWS

“Për të gjithë ata që i japin PS diçka sado të vogël”, Rama del me mesazhin e fuqishëm për të gjithë socialistët

“Për të gjithë ata që i japin PS diçka sado
x
BREAKING NEWS

PS mbledh sot Kongresin, paralajmërohet furtunë në parti dhe në administratë, emrat me më shumë vota drejt katapultimit në qeveri

PS mbledh sot Kongresin, paralajmërohet furtunë në parti dhe
x
BREAKING NEWS

Shantazhet e Berishës ndaj SHBA për të marrë PD, blof për të rritur pazarin, deputetët demokratë kundër rikthimit të tij

Shantazhet e Berishës ndaj SHBA për të marrë PD, blof
x

Kultura

Margariti: Një tjetër hap i rëndësishëm në bashkëpunimin me Italinë për trashëgiminë kulturore

Margariti: Një tjetër hap i rëndësishëm në bashkëpunimin me

Mbrojtja dhe ruajtja e trashëgimisë kulturore ishte në qendër të konferencës, që zhvilloi Ambasada Italiane në Tiranë. Në këtë konferencë ishte e pranishme dhe ministrja e Kulturës Elva Margariti. Sipas saj, përmes kësaj konference është një hap me rëndësi në bashkëpunimin me Italinë për trashëgiminë. “Hodhëm një tjetër hap të rëndësishëm në fushën e bashkëpunimit me vendin tonë fqinj, Italinë, në fushën e trashëgimisë kulturore. Përmes një konference të organizuar nga Ambasada Italiane në Tiranë, Agjencia ICE, Assorestauro dhe Salloni Ndërkombëtar i Restaurimit u prezantua “Salloni i Restaurimit në tour” në Bari dhe “Restoration Week 2021” (Java e Restaurimit 2021), ku Shqipëria mori ftesën zyrtare për pjesëmarrje”, bën me dije ministrja Margariti. Sipas ministres së Kulturës bëhet fjalë për shkëmbime përvojash dhe projekte të përbashkëta. “Nuk bëhet fjalë për një pjesëmarrje honorifike. Por shkëmbime përvojash dhe vendosje e urave të komunikimit mes kompanive, specialistëve, në fushën e teknikave, materialeve, projekteve të përbashkëta”, vijon ministrja e Kulturës. Një konferencë me rëndësi për trashëgiminë kulturore, ku ministrja Margariti thotë se së bashku me Fabrizio Bucci ambasadori italian në Tiranë, Michele Emiliano presidenti i rajonit të Puglia-s, Alessandro Bozzetti presidenti i Assorestauro, Andrea Moretti presidenti i Ferrara Fiere, Alessandro Ambrosi presidenti i Fiera Del Levante, Elisa Scelsa drejtoreshë e Zyrës ICE Agjencia -Tirana dhe Andrea Griletto drejtor i Assotestauro u diskutua mbi bashkëpunimet e ardhshme në fushën e trashëgimisë. “Italia përbën ekselencën botërore në fushën e konservimit dhe restaurimit dhe ky bashkëpunim do të çojë përpara ambicien tonë për ngritjen e Qendrës së Formimit të vazhdueshëm, shkollave-kantiere, Bonusit të Rijetëzimit dhe vënien në jetë të Fondit të Trashëgimisë Kulturore”, shprehet Margariti. Salloni Ndërkombëtar i Restaurimit, që do të zhvillohet pranë panairit të Fiera Del Levante në Bari nga data 1 deri me 3 shtator dhe Java e Restaurimit një evet që do të mbahet në Napoli, Matera, Pompei dhe Bari nga data 30 gusht deri me 4 shtator, prezantohen si dy momente të veçanta për takime e shkëmbime me institucionet shqiptare, me synimin për të forcuar raportet institucionale e tregtare ndërmjet dy vendeve.