Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Margariti: Plan menaxhimi i Butrintit, për investim të qëndrueshëm

Postuar: 16/10/2019 - 07:40

Draft plani i menaxhimit të parkut të Butrintit u dorëzua në Ministri të Kulturës në prani të ministres Elva Margariti nga kreu i bordit të AADF Michael Granoff. Ministrja e Kulturës Elva Margariti shprehet se bëhet fjalë për një investim të qëndrueshëm, që i mbetet shqiptarëve. “Pas një bashkëpunimi të suksesshëm 10 vjeçar, nisim një tjetër sfidë me Fondin Shqiptaro-Amerikan të Zhvillimit (The_AADF). Kreu i Bordit të AADF, Michael Granoff, në mënyrë simbolike na dorëzoi draftin e menaxhimit të integruar të parkut të Butrintit. Sipas tij, bëhet fjalë për investim të qëndrueshëm, me shqiptarët dhe që i mbetet shqiptarëve”, pohon ministrja e Kulturës. Sipas ministres Margariti, nevoja për një plan të tillë erdhi për ta nxjerrë parkun e Butrintit nga limitet e një ishulli. “Nevoja për një plan menaxhimi të integruar erdhi nga kërkesa dhe domosdoshmëria për ta nxjerrë Butrintin nga limitet e një ishulli dhe për ta kthyer atë që qendrën e një varg rrathësh koncentrikë. Butrinti është vetëm një qendër, që gjeneron zhvillim në gjithë zonën përreth, duke sjellë përfitime për të gjithë këtë territor dhe njëkohësisht trashëgimia kulturore ruhet e promovohen”, vijon Margariti. Hartimi i planit të menaxhimit të integruar për parkun kombëtar të Butrintit, është realizuar nga kompania e kontraktuar “Prince and Pearce” edhe kostoja e tij është 250 mijë dollarë. Plani parashikon të adresojë çështje të cilat janë të mbartura nga shkuara dhe nga ana tjetër të jap zgjidhje mbi kontekstin e ri të krijuar me ligjin e trashëgimisë. Bazuar mbi këtë ekspertizë plani i ri i menaxhimit do të ofrojë udhëzime dhe politika, bazuar në praktikat për menaxhimin e integruar të vlerave kulturore dhe natyrore; të bëjë propozime për mundësitë e zhvillimit ekonomik në sit dhe përreth tij (zona tampon) duke përfshirë aktivitetet e turizmit dhe kohës së lirë; të propozojë një strukturë menaxhimi për funksionimin e sitit dhe të rrisë kapacitetet e stafit drejtues të parkut. Në përfundim, plani i ri do të prodhojë, krahas planit të përgjithshëm të menaxhimit, një plan biznesi të ri për zonën UNESCO të Butrintit si dhe përgatitjen e një harte të përditësuar GIS për gjithë territorin e parkun kombëtar të Butrintit 9.000 hektarë. Në rrafshin ndërkombëtar, rëndësia e qytetit antik u njoh dhe u konfirmua në vitin 1992, kur ai u përfshi në listën e pasurive botërore të UNESCO-s. 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 13/11/2019 - 07:36

Mbi 1 milionë vizitorë të huaj kanë vizituar monumentet tona të kulturës, sitet arkeologjike, kishat etj, nga janari deri në tetor të këtij viti.

Postuar: 13/11/2019 - 07:34

 “Përsëri bashkë” titullohet ekspozita e artit pamor e liceistëve të vitit 1976,

Postuar: 13/11/2019 - 07:33

Galeria Kombëtare e Arteve zhvillon të premten një bisedë, me studiuesin Stefan Çapaliku.

Postuar: 13/11/2019 - 07:31

Specialistë të trashëgimisë kulturore shprehen se ekspeditat arkeologjike vazhdojnë të zhvillohen

Postuar: 12/11/2019 - 07:42

E hëna për muzeun kombëtar të fotografisë “Marubi”, është dita që i kushtohet publiki

Postuar: 12/11/2019 - 07:39

Panairi i Librit në Tiranë mbërrin në edicionin e tij të 22.

Postuar: 12/11/2019 - 07:38

Kalaja e Beratit është vizituar nga 131.157 vizitorë në dhjetë muaj.