Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ministria e Kulturës merr në mbrojtje ish kampin e Tepelenës

Postuar: 01/09/2018 - 07:29

Ministria e Kulturës dhe IMK shpallin në mbrojtje paraprake ish kampin e internimit të Tepelenës. Në urdhrin e datës 24.8. 2018 firmosur nga drejtoresha e IMK Daniel Pirushi bëhet me dije se ngarkohet Drejtoria Rajonale e Kulturës Kombëtare të Gjirokastrës dhe Sektori i Qendrave Historike dhe Arkitekturës së Traditës dhe Peisazhit në Institutin e Monumenteve të Kulturës të përgatisë dokumentacionin përkatës për verifikimin e interesit kulturor të objektit, bazuar në nenin 60, pika 2 të ligjit nr 27/ 2018 “Për trashëgiminë kulturore dhe muzetë”. “Deri në vërtetimin e interesit kulturor ose mungesën e tij ndalohet çdo lloj ndërhyje në gjendjen fizike në objekt”, shkruhet urdhrin e firmosur nga Daniel Pirushi, drejtoreshë e përgjithshme e IMK. Ky kamp është përzgjedhur nga AIDSSH si shenjë kujtese dhe nderimi ndaj viktimave të sisteme totalitare në Shqipëri për të vijuar procesin e kurimit me të shkuarën. Projekti u iniciua nga AIDSSH ne bashkëpunim me Bashkinë e Tepelenës si edhe familjarët e atyre që vuajtën në atë kamp. Projekt-ideja e Memorialit Kombëtar të Kampeve të Punës së Detyruar në Tepelenë u konceptua nga Gjon Radovani. Ideja e plotë u prezantua në Tepelenë më 30 gusht 2017, në bashkëpunim me Bashkinë Tepelenë dhe Muzeun Historik Kombëtar. Sipas materialeve të publikuara mbi 5.000 persona u përndoqën në këtë kamp gjatë komunizmit prej prillit të 1949 deri në mars të 1954. Familjet e persekutuara vinin nga veriu i vendit dhe kampi ishte kundër-përgjigjja e qeverisë komuniste ndaj grupit të familjeve të njohura si “Rezistenca e Maleve” që kundërshtuan me armë vendosjen e diktaturës në Shqipëri. Aty grumbulloheshin të gjitha ato familje që etiketoheshin nga pushteti komunist si reaksionarë, kulakë, borgjezë, tradhtarë të deklasuar dhe agjentë të huaj. Kampi i përqendrimit të Tepelenës ka funksionuar si kamp internimi në vitet 1948-1954. Ky kamp ka shërbyer në fillim si bazë e ushtrisë italiane për luftën italo-greke, më pas si kamp përqendrimi dhe në fund si repart ushtarak për ushtrinë e diktaturës. Bëhet me dije se projekt-ideja e muzealizimit të tij të konceptuar nga Gjon Radovani ka për qëllim transformimin e tij në një qendër muzeale kujtese dhe respekti për viktimat e diktaturës.  

/Agjensia e Lajmeve Sot News/

Na Beni Like Ne Facebook: 
Total votes: 11

Lajme nga e njejta kategori

Postuar: 16/11/2018 - 17:08

Shqipëria do të përballet me Skocinë ditën e shtunë në takimin e vlefshëm për Grupin 1 të Ligës së Kombeve.
 

Postuar: 16/11/2018 - 07:27

Në Pallatin e Kongreseve, Shoqata e Botuesve Shqiptarë organizoi konferencën "Sfidat e lexim

Postuar: 16/11/2018 - 07:25

Teatri “Zihni Sako” në qytetin e Gjirokastrës në 50 -vjetorin e tij ka sjellë dhe edi

Postuar: 16/11/2018 - 07:24

Drama "Oskari dhe tezja Rozë" për dy mbrëmje në skenën e teatrit “Migjeni”

Postuar: 16/11/2018 - 07:23

 Projektligj për librin është i paqartë për botues të ndryshëm.

Postuar: 15/11/2018 - 07:29

 Festivali ndërkombëtar “Pianodrom” po zhvillon edicionin e gjashtë në Tiranë.

Postuar: 15/11/2018 - 07:28

Teatri Kombëtar Eksperimental "Kujtim Spahivogli" sjell mbrëmjen e së shtunës premierën