Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Multimedia”, një ekspozitë që ka në fokus artistët e rinj

Postuar: 11/09/2019 - 07:36

Ekspozita “Multimedia”, në qendrën e artit bashkëkohor “ME WE” në pazarin e qytetit të Korçës prezanton punimet e pesë artistëve të rinj. Në aktivitet e këtij sezoni që kanë shoqëruar këtë qytet është dhe kjo ekspozitë, që prezanton për publikun instalacione kinetike, performancë si dhe videoinstalacione për hapësira të dedikuara siç është ajo e jashtme, por pjesë e saj janë dhe dy skulptura. Ekspozita me kuratorë Altin Lika dhe Ergys Krisiko prezanton punimet e artistëve Blendi Shahu, Lejdi Prençi, Sara Ferhati, Vasiljana Sali dhe Viktoria Nikolla. Ekspozita po vijon ditët në qytetin e Korçës, por më herët drejtuesi artistik Ardian Isufi u shprehet se kjo është ekspozita e tretë, që hapet në këtë qendër arti bashkëkohor, që ka qëllim dhe të promovojë të rinjtë. “Është një ekspozitë interaktive, e cila përmbledh veprat që janë të dedikuara për hapësirën dhe zonat e qendrës së artit bashkëkohor “ME WE”, ku ngjarja nuk zhvillohet vetëm brenda, por edhe jashtë saj. “Multimedia” është një ekspozitë, që ka në fokus të saj artistë të rinj, ish studentë të Universitetit të Arteve dhe ne po përpiqemi, që nëpërmjet qendrës së artit bashkëkohor “ME WE” ti promovojmë si një sinergji e re në artin pamor shqiptar, por gjithashtu shpresojmë që në një të ardhme të afërm ata të jenë një sinergji e re në sistemin e arti pamor shqiptar”, pohon Ardian Isufi drejtor artistik i ekspozitës. Qendra e artit bashkëkohor “ME WE” ka në optikën e saj një platformë arti, që lidhet shumë me komunikimin dhe dialogun. Lidhet shumë me tendencat më të fundit të artit bashkëkohor, lidhet shumë në atë çfarë duhet ti kontribuojmë shoqërisë sonë për sa i përket promovimit të vlerave më të mira të artit bashkëkohor, duke pasur parasysh dhe analiza të temave të veçanta, që janë shumë të prekshme për shoqërinë në të gjitha kontekstet, që lidhen me aspektin politik, shoqëror dhe social. Sipas drejtuesve të saj, në vijim do të ketë aktivitete, që janë të orientuara shumë nëpërmjet veprës së artit, që do të integrohen në këtë hapësirë dhe do të sjellim në përgjithësi shumë fenomene, të cilat në Shqipëri janë cekur pak ose aspak.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/11/2019 - 08:02

Besnik Mustafaj me romanin “Dëmtuar gjatë rrugës” u shpall “Autori i vitit” në Panairin e Librit “Tirana 2019”.

Postuar: 17/11/2019 - 08:01

Tragjedia "Medea" e Euripidit për dy mbrëmje me radhë do të jetë në skenën e teatrit &l

Postuar: 17/11/2019 - 07:58

Artistët  të ndryshëm në vend shprehen se janë të përbuzur nga institucionet.

Postuar: 16/11/2019 - 07:44

Artisti i njohur Agim Sulaj ka fituar “Grand Prix Aydin Dogan Stamboll”.

Postuar: 16/11/2019 - 07:43

Plani i menaxhimit të integruar i parkut kombëtar të Butrintit solli përplasjen e ministres së Ku

Postuar: 16/11/2019 - 07:40

Muzetë e Beratit gjatë këtij viti kanë qenë vende të preferuara për vizitorët.

Postuar: 16/11/2019 - 07:38

Botimet e shtëpisë botuese “Morava”, në Panairin e Librit “Tirana 2019” k