Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Na ishte njëherë estrada”, sukses në skenën e teatrit “Skampa”

Postuar: 13/06/2018 - 07:44

Komedia shqiptare “Na ishte njëherë estrada” u përcoll me sukses në skenën teatrit “Skampa” në qytetin e Elbasanit. Drejtori i teatrit Kliti Kapaj bën me dije se ka qenë një sukses me këtë vepër dhe publiku e ka vlerësuar shumë lojën e aktorëve dhe shfaqjen. “Humor e të qeshura pa fund, salla plot, publik fantastik. “Na ishte njëherë estrada”, një sukses i padiskutueshëm”, pohon drejtori Kapaj. Komedia “Na ishte një herë Estrada” shkruar dhe me regji nga Haxhi Rama riktheu në skenë dhe aktorë të njohur të estradës. Rolet në vepër regjisori Haxhi Rama ia ka besuar aktorëve të Durrësit dhe Elbasanit si Muharrem Hoxha, Antoneta Doka, Ilirda Bejleri, Mario Elezi, Dhimitër Topuzi. Muzika nga Edmond Rrapi, skenografia Sokol Sejdini dhe koreografia Krenar Korça. Drejtori i teatrit “Skampa” Kliti Kapaj pohon se estradat i mungojnë publikut me humorin e tyre dhe dëshira e tij është që me këtë shfaqje të jenë dhe në skena të tjera. “Sot në Shqipëri nuk ka më estrada apo variete si dikur. Estradat janë shkrirë për shumë arsye, dhe dëshira jonë është të rikthejmë humorin në skenën e teatrit Elbasanas, por pse jo dhe më gjerë ku ne besojmë do të shëtisim me këtë shfaqje. Për mua një rëndësi të veçantë ka mos përsëritja e vetvetes dhe kam synuar gjithmonë të kem risi duke ftuar regjisorë dhe aktorë të ndryshëm”, tregon drejtori Kliti Kapaj. Në magazinën e estradës së dikurshme zhvillohet e gjithë ngjarja. Artistët duke kujtuar estradën se si ka qenë, por pa dashur shfaqja e tyre tashmë ka filluar. Estrada profesioniste e Elbasanit u krijua në shtator të vitit 1955. Premierën e parë trupa e sapoformuar e dha në muajin nëntor të atij viti në Cërrik për punëtorët e Rafinerisë së naftës që sapo ishte ngritur. Shfaqja "Vizitoni ekspozitën tonë" më 5 maj të vitit 1960, shënoi edhe ditën e themelimit të estradës profesioniste në qytetin bregdetar të Durrësit. Spiro Strati, Meropi Xhoja, Sandër Pepa, Lumturi Dashi, Ramazan Njala e Enver Likmeta ishin artistët e parë që mbërritën nga radhët e lëvizjes amatore, ndërsa më pas trupa u shtua me aktorë të tjerë mes të cilëve Aishe Stari, Fadil Hasa, Harallamb Koça, Muharrem Hoxha, trupa e varietesë së Durrësit përveç premierave në skenën e qytetit është duartrokitur në shfaqjet e shumta në të gjitha qytetet e vendit si dhe është vlerësuar me çmime nderi në festivalet kombëtare të estradës.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/05/2019 - 07:26

Teatri Kombëtar Eksperimental "Kujtim Spahivogli" bën me dije se shfaqja teatrore “Magjia e Jozef  Bider” me regji nga Milto Kutali dhe aktorin Arben Derhemi do të jetë për publikun deri të

Postuar: 24/05/2019 - 07:25

Koncerti simfonik nga "Peizazhet Muzikore" me veprën muzikore të Dmitri Shostakovich er

Postuar: 24/05/2019 - 07:23

Veprimtaria “Ndalohet të mos prekësh” bëri që grupi i dytë i fëmijëve me probleme shi

Postuar: 24/05/2019 - 07:22

Ministria e Kulturës në politikat e saj për librin ka çelur për disa vite fondin për krijimtarinë

Postuar: 23/05/2019 - 07:36

Në Muzeun Kombëtar Ikonografik “Onufri” Berat, prezantohet sot sistemi dixhital i aud

Postuar: 23/05/2019 - 07:35

“I humburi” titullohet filmi me skenar nga Tonin Çekliqi dhe regji nga Bruno Shllaku

Postuar: 23/05/2019 - 07:34

Artistët shprehen se ndryshimet në ligjin e artit janë të rëndësishme për të përmirësuar situatën