Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ndriçim Xhepa: 70 përqind e produktit artistik, shfaqje mediokre

Postuar: 26/09/2018 - 07:48

Aktori Ndriçim Xhepa në një reagim të tij shprehet se produktet skenike vitet e fundit kanë nivel të ulët artistik. Kryetar i jurisë këto ditë në Festivalin Mbarëkombëtar të Teatrit, Xhepa shprehet se deri në 30 përqind e produktit teatror në skena të ndryshme të teatrove ka vlera.

“Që të jem i sinqertë 20-30 përqind e produktit që prodhohet mund të jenë shfaqje që ia vlen të shikohen, me regji të mirë, të arritura, 70 përqind janë më se mesatare, më se mediokre, që po të kishte ca këshilla artistike vendimarrëse duhet t’i bllokonin. Ka shumë shfaqje, që janë ordinere” ka pohuar ai.

Nga ana tjetër ai thotë se realizmi i festivaleve është i rëndësishëm për të rritur cilësinë. “Është e natyrshme që në harkun e dy vjetëve nëqoftëse kryeqendrat mund të kenë 12-13 premiera të kryera dhe nga këto të nxjerrin dy produkte të mira aq më tepër që mbas kaq kohe ne të përfaqësohemi në festival me këtë. Po këtë gjë duhet ta bëjnë edhe qytetet më të vogla dhe trupat më të vogla. Kjo do të rrisë cilësinë e shfaqjeve dhe të festivalit” vijon aktori.

Pjesë e këtij festivali janë edhe takimet për veprat teatrore, që të ngjiten në skenë. Sipas tij, regjisorë e kritikë duhet t’i thonë gjërat në sy, për të mos reaguar më pas në lidhje me vendimet e jurisë. “I ftojmë në bisedat dhe analizat që do të bëjmë, të gjithë ata që duan të flasin pastaj nëpër Facebook për vendimet e jurisë. Le të vijnë ti shohin shfaqjet, le të thonë mendimin e tyre përballë regjisorëve, krijuesve e artistëve, jo të luajnë një rol e të ikin pa parë të tjerët dhe pastaj të flasin në Facebook”, vijon më tej aktori Xhepa.

Festivali Mbarëkombëtar i Teatrit zhvillohet në datat 23-30 shtator dhe në të marrin pjesë 14 trupa nga të gjitha trevat shqiptare. Juria përbëhet nga presidenti i festivalit e kryetari i jurisë, Ndriçim Xhepa, si dhe Luli Bitri, Shkumbin Istrefi, Qëndrim Rijani dhe kritiku i teatrit Josif Papagjoni. Festivali që ka nisur më datë 23 të këtij muaji është cilësuar nga institucionet si ngjarja më e rëndësishme teatrore e vitit. Deri tani në skenën e festivalit janë ngjitur komedi dhe drama të autorëve të ndryshëm.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/05/2019 - 07:36

Në Muzeun Kombëtar Ikonografik “Onufri” Berat, prezantohet sot sistemi dixhital i audioguidave.

Postuar: 23/05/2019 - 07:35

“I humburi” titullohet filmi me skenar nga Tonin Çekliqi dhe regji nga Bruno Shllaku

Postuar: 23/05/2019 - 07:34

Artistët shprehen se ndryshimet në ligjin e artit janë të rëndësishme për të përmirësuar situatën

Postuar: 22/05/2019 - 07:30

Në kuadër të “Ditës Botërore të Diversitetit Kulturor për Dialog dhe Zhvillim”, Qendr

Postuar: 22/05/2019 - 07:28

Vepra “Jul Qezar” nga Uilliam Shekspir është një tjetër produksion, që po përgatitet

Postuar: 22/05/2019 - 07:26

Filmi dokumentar “Koha e Pelikulës” kushtuar regjisores Xhanfise Keko do të shfaqet t

Postuar: 22/05/2019 - 07:25

Veprat që janë realizuar nga skulptorë të njohur janë shpërndarë në territorin e vendit, por janë