BREAKING NEWS

Ja planet e dhunshme të Berishës për të marrë PD, skenar si në 1998 për të sulmuar selinë dhe larguar me forcë Bashën

Ja planet e dhunshme të Berishës për të marrë PD,
x
BREAKING NEWS

Ish-këshilltari i nxjerr të fshehtat Berishës, Grid Rroji: Franca po mbështet në prapavijë Saliun në luftën me SHBA, bashkë me Metën synojnë trazira

Ish-këshilltari i nxjerr të fshehtat Berishës, Grid Rroji: Franca
x
BREAKING NEWS

Rama fton Bashën të ulen në tryezë për vetingun në politikë, tregohet i gatshëm të dëshmojë në Komisionin Hetimor për 25 prillin

Rama fton Bashën të ulen në tryezë për vetingun në
x

Kultura

 Në 24 dhe 25 shtator, komedia brilante “Duke edukuar Ritën” në teatrin “Petro Marko” të Vlorës

 Në 24 dhe 25 shtator, komedia brilante “Duke edukuar

Komedia brilante “Duke edukuar Ritën” për dy mbrëmje do të jetë për publikun në skenën e teatrit të qytetit të Vlorës. Performanca e rrallë teatrore me komedinë “Duke edukuar Ritën” e Teatrit Shëtitës “Çajupi” do jetë mbrëmjen e së premtes 24 shtator dhe të shtunës 25 shtator në teatrin “Petro Marko”, në orën 19:00 për publikun. Vepra e autorit Willy Russell vjen në skenë me regji nga Kiço Londo dhe interpretimin e dy aktorëve të njohur Laura Nezha dhe Mehmet Xhelili. Dy aktorët me role në këtë shfaqje ofrojnë shumë në fushën e aktrimit. Aktorët Laura Nezha dhe Mehmet Xhelili ndër më të rëndësishmit e teatrit shqiptar, përputhen saktësisht me mjedisin realist dhe dekadent të komedisë. Një shfaqje e bukur. Një lojë brilante e dy aktorëve, si dhe një regji me fantazi, ku të tria bëjnë që shfaqja të ngjalli emocion. Pak shfaqje të tilla kemi parë këto 30 vjetët e fundit në skena. Komedia pas Elbasanit do të jetë dy net me radhë për publikun në Vlorë, ku regjisori Londo thotë se kjo është vepër për të mos e humbur. “Moral të fortë për shoqërinë konsumiste aktuale. Të tilla shfaqje të jepen për të ngulitur në subkoshiencën kolektive dëshirën për rritje personale”, thotë ai. Vepra teatrore e vlerësuar me çmim e autorit Willy Russell, e cila ka qenë një sukses botëror në teatër, por edhe në adaptimin e tij në film, e nominuar për çmimin “Oscar”, mori jetë nga Teatrit Shëtitës në një performancë moderne nga regjisori Kiço Londo. Në materialin rreth komedisë “Duke edukuar Ritën”, thuhet se një dashuri "e papërshtatshme", me humor dhe kthesa vjen për të tronditur botën tonë teatrale dhe për të na kujtuar se nuk është kurrë vonë dhe gjithçka është e mundur, kur ndjekim atë që mbrojnë zemrat dhe ëndrrat tona!

Shfaqja në skenë

Ky është rasti që me regjinë e Kiço Londos, në një hapësirë të shfrytëzuar shumë mirë të shihni Mehmet Xhelilin, pedagogun e alkolizuar të Ritës në një interpretim tepër të këndshëm. Ai vjen i zgjuar, i rrjedhshëm, që e mban veten me të madhe e që të mbyt me fjalë, por që gjendet në zbrazëtinë e shpëlarë me të cilën shfaqet në fillim e që më pas bie në dashuri të thellë me studenten e tij. Interpretimi i Laura Nezhës bëhet më i fuqishëm me zhvillimin e shfaqjes. Gjallëria e Laurës në pjesën e parë, është një prekje tepër organike. Në pjesën e dytë të shfaqjes personazhi i Laurës bëhet më i mprehtë, më i urtë e i rrumbullakosur mirë. Drejt finales interpretimi Xhelili- Nezha bëhet gjithnjë e më shumë prekës dhe përfshirës, pa humbur asnjë nga tiparet e zgjuara e me dritë të karaktereve që çifti interpreton. Komedia “Duke edukuar Ritën” është përkthyer nga Artur Lena. Me regji nga Kiço Londo, as regjisorë janë Klaudia Piroli dhe Flobensa Bezati. Komedia e shkëlqyer "Duke Edukuar Ritën" e Teatrit Shëtitës “Çajupi” shënoi premierën në data 30 dhe 31 korrik, në Teatrin Veror të Universitetit të Arteve.