Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Një “Hekuba” moderne në teatrin shqiptar, e sjell regjisori italian Febo Del Zozzo

Postuar: 15/11/2017 - 07:44

Drama “Hekuba” nesër vjen premierë në skenën e Teatrit Metropol. Shfaqja e regjisorit italian Febo Del Zozzo realizohet në bashkëpunim me trupën e aktorëve shqiptarë. Tragjedia e Hekubës e njohur nga lashtësia greke, e shkaktuar nga humbja e fëmijëve të saj vjen në formë moderne në teatrin shqiptar nga regjisori italian. Shfaqja, i përket teatrit fizik, lëvizjeve skenike, ritmit dhe sinkronizimit të aktorëve në skenë. “Hekuba”- Porte dhe periferitë e Mesdheut, është projekti i Kompanisë Teatrore Laminaria, i cili zhvillohet në vende të ndryshme të Mesdheut.  Drejtoresha e teatrit Jonida Beqo pohon se Metropoli është ndalesa e rradhës, e cila do të pasohet më tej edhe në skenën e Spanjës apo dhe Qipro. “Ky bashkëpunim u bë i mundur, pasi u ndje se ka disa pika të përbashkëta në mënyrën si realizohen gjërat”, pohoi mes të tjerave Jonida Beqo, drejtoresha e Metropolit. 

Me autor dhe regji nga italiani Febo Del Zozzo rolet në vepër i interpretojnë aktorët Klea Konomi, Edvin Mustafa, Merita Dabulla, Ermir Jonka, Kristjan Koroveshi, Roerd Toçe, Rexhina Mollaymeri, Verjana Abazi. Regjisori italian bën me diej se shfaqja është një ndërthurje e pjesëve të ndryshme nga Homeri, Brehti dhe Pasolini, të cilat flasim për situata humbjeje, apo situata lufte dhe shtypjeje. “Kemi zgjedhur një pjesë të Brehtit po ashtu edhe një kritik elegji nga Pasolini të njeriut, humbës. Të pranosh humbjen do të thotë të kesh një forcë. Të posedosh një forcë, por të mos jesh violent. Në vepër flitet për historinë e Hekubës, humbjen e fëmijëve të saj, e përcjell kjo nëpërmjet  gjuhës së trupit”, tregon regjisori Del Zozzo që nesër sjell në skenë premierën teatrore. Sipas tij “Hekuba” është një vepër që mbështetet  mbi krijimin e gjestit dhe jo mbi narracionin. “Është një punë si një qëndisje, e cila bazohet mbi unisonin e aktorëve. Hekuba, jeton brenda kësaj force. Nga njëra anë forca që lëshon Hebuka dhe nga ana tjetër kundërpërgjigja e të tjerëve mbi qytetin e Trojës”,vijon regjisori Febo Del Zozzo për shfaqjen në Tiranë.

Puna me shfaqjen

“Hekuba”- Porte dhe periferitë e Mesdheut ka nisur punën në Teatrin Metropol në datën 7 nëntor, si një laborator i teatrit fizik, që ndërlidh hulumtimin teatral dhe improvizimin fizik me disa tekste klasike dhe bashkëkohore. Regjisori italian tregon për punën e tij me aktorët shqiptarë. Gjatë punës për shfaqjen nuk kanë munguar ushtrimet me zërin apo dhe ato të lëvizjes. “Gjatë kësaj kohe është punuar me ushtrime që synojnë studimin e lëvizjes së trupit në hapësirën skenike dhe përdorimin e zërit. Ka edhe momente reflektimi teorik. Gjuha e punës për laborator është italisht”, tregon për punën me aktorët në Tiranë regjisori italian. Kompagnia Laminarie është një kompani teatrore e themeluar në vitin 1994 dhe me qendër në Bolonjë. Që nga viti 2009 ajo ka drejtuar Teatrin DOM Kupën e Shtyllës. Qëllimi kryesor është të studiohen gjuhët origjinale në teatrin bashkëkohor. Hulumtimi i Laminarisë ka qenë prej origjinës së tij në lidhje me gjuhët bashkëkohore artistike, siç janë artet pamore, arkitektura, kinema dhe letërsia. Shfaqa që vjen nesër në skenën e teatrit për publikun premton të përcjellë një lojë aktorësh me nivel dhe kjo u theksua dhe gjatë prezantimit të shfaqjes në Teatrin e Metropolit. Më parë në skenën e tetarit u zhvillua një festival i cili bërë bashkë disa regjisorë shqiptarë me veprat në skenë.

Nga Julia Vrapi

 

/Agjensia e Lajmeve Sot News/

Na Beni Like Ne Facebook: 
Total votes: 12

Lajme nga e njejta kategori

Postuar: 17/02/2018 - 09:41

Drejtoria e Përgjithshme e Arkivave po pasuron përditë e më shumë publikun dorëshkrime me vlerë të madhe kulturore dhe historike që janë pjesë e vyer e kësaj arkive. Një ndër to është Kuran Qerimi, dorëshkrim i ilustruar, shek. XIX, 393 fletë letre, 240 x 160 mm, kopist anonim.

Postuar: 17/02/2018 - 09:39

"Ekspo Art Tirana" vjen në edicionin e dytë në sallën e ekspozitave në Muzeun Historik Kombëtar.

Postuar: 17/02/2018 - 09:34

Sindikata e Artistëve të Skenës dhe Ekranit ka reaguar ashpër ndaj deklaratave të bëra ditëve të fundit me vendimin për prishjen e Teatrit Kombëtar, ata kërkojnë të ndalen plane

Postuar: 16/02/2018 - 10:19

Arkeologia Ornela Durmishaj është emëruar drejtore e parkut kombëtar të Apollonisë. Arkeologia Durmishaj vjen në këtë detyre pas konkursit që hapi Ministria e Kulturës.

Postuar: 16/02/2018 - 08:39

Artistët e Cirkut Kombëtar kërkojnë një sqarim nga Ministrja e Kulturës për situatën e krijuar me projektligjin e artit dhe kulturës.

Postuar: 16/02/2018 - 08:37

Muzeu Historik Kombëtar organizoi veprimtarinë “Një ditë me kuratorin!” me temë: “Monedhat, dëshmi e zhvillimit të qytetërimit ilir”.

Postuar: 16/02/2018 - 08:36

Në një kohë kur për Teatrin Kombëtar po flitet e diskutohet jo pak, në skenën teatrore mbrëmë për publikun erdhi në skenë shfaqja "Rojat e Taxhit".