Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Olen Cesari, dy net koncert në Pallatin e Kongreseve

Postuar: 23/04/2019 - 07:42

Olen Cesari rikthehet për publikun e Tiranës në një koncert të madh për dy mbrëmje me rradhë në skenën e Pallatit të Kongreseve. Koncerti që do të zhvillohet mbrëmjen e sotme dhe nesër për publikun përcjell një program të pasur muzikor. Violinisti i njohur Olen Cesari  ka angazhime të shumta, që e bëjnë të udhëtojë shpesh në të gjitha anët e globit, por ai thotë se dëshira dhe detyra e sjellin gjithmonë në Tiranë. “E ndiej të domosdoshme të vij në Shqipëri. Se ju do të më thoni: pse vjen? Është pjesë e dëshirës sime, që ajo që ne çojmë nëpër botë të vijë edhe në Tiranë, ta kemi edhe ne tonën këtu. Sepse është një ushtri njerëzish që vjen, është një ushtri muzikantësh, është një ushtri teknikësh”, u shpreh Olen Cezari. Bashkë me grupin e tij “Interneational Clandestine Orchestra” ai do të sjellë në skenë tinguj nga e gjithë bota, sëbashku me të ftuarit specialë. Ai tregon se janë emra të njohur artistësh të huaj, që me aktivitetin e tyre janë vlerësuar në botë. “Unë kam ftuar Alessandro Mannarinon, kantautorin e famshëm Italian. Nga Kina do të vijë Guo Gan, një instrumentist që do të luajë një nga meloditë më të famshme të Azisë. Vjen po ashtu për herë të parë në Tiranë, bateristi që ka performuar me Santanën, Pepe Sanchez. Do të jetë Eden, Shama Milan nga Kuba, Lavinia Mancusi dhe aktori shqiptar i humorit Bes Kallaku”, u shpreh artisti. Olen Cesari dhe “International Clandestine Orchestra” rikthehen në Tiranë për një tjetër koncert madhështor plot emocione në dy net, ku kanë mbështetjen edhe nga Ambasada e Italisë në Tiranë. Por sa i përket zhvillimeve politike që ndodhin në Shqipëri, ai shprehet se është artist edhe i përket popullit, ndërsa vendin e tij dhe Italinë në mbarë botën e përfaqëson si artist. “Nuk jam politikan edhe s’jam marrë ndonjëherë me të. Nuk i përkas asnjë ngjyrimi politik, por i përkas popullit, sikundër kam vite që prezantoj edhe popullin italianë nëpër botë. Ndihem si një urë e këtyre dy shteteve që kanë një vëllazëri shekullore me njëri-tjetrin. Por unë mendoj se Shqipëria ka nevojë për dashuri, ka nevojë që njerëzit të zbuten edhe t’i shprehin të gjithë dashurinë njëri-tjetrit, se janë të gjithë të tendosur si tel violine”, tha violinisti i njohur Olen Cesari.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/08/2019 - 07:54

Kisha e Shën Kollit në fshatin Vodicë të Kolonjës do të restaurohet. Prej disa ditësh kanë nisur punimet.

Postuar: 18/08/2019 - 07:52

Autoritetet shqiptare janë vënë më në fund në lëvizje për të ndalur rrënimin e Kalasë së Gjirokas

Postuar: 15/08/2019 - 07:38

Regjisori i njohur Gjergj Xhuvani u nda nga jeta në moshën 56-vjeçare, pas një sëmundjeje të rënd

Postuar: 15/08/2019 - 07:36

Në vilën e ish diktatorit, Cine Tarkovsky fton për një bashkëbisedim të hapur me fituesin e Palme

Postuar: 15/08/2019 - 07:35

Artistët shprehen se sot ndihen të pavlerësuar nga institucionet dhe sipas tyre trajtimi nuk ësht

Postuar: 14/08/2019 - 07:33

Teatri i Kukullave ka përfunduar turin  “Erdhi Teatri”, duke shëtitur fshatra të

Postuar: 14/08/2019 - 07:31

“Shkodra Jazz Festival” mbërrin këtë vit në edicionin e dhjetë.