Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Olta Daku me “Shirli Valentina”, në skenën e Korçës

Postuar: 15/11/2017 - 07:53

Komedia “Shirli Valnetina” më datë 17, 18, 19 nëntor  është në skenën e teatrit në Korçë.  Olta Daku dhe regjisorja Driada Dervishi janë bërë bashkë për të sjellë një komedi fantastike. Komedia shkruar nga Willy Russell pas skenës së Durrësit shkon në teatrin “Andon Zako Çajupi” në Korçë. Pas bashkëpunimeve të suksesshme në shfaqjet "Vanja, Sonja e Masha, etj" dhe "Sonte luajmë pa tekst", aktorja e mirënjohur Olta Daku dhe regjisorja Driada Dervishi vijnë në bashkëpunimin e tyre të tretë me një komedi hit, një nga veprat më të suksesshme të autorit anglez Willy Russell. Në datat 17 dhe 18 qershor vjen historia e një gruaje, e cila në rol kryesor ka aktoren e njohur Olta Daku, që vendos të mos flasë më me murin e kuzhinës. “Është një komedi ku në qendër është një grua.

Një komedi që ka 30 vjet që është në repertor të teatrit anglez”, thotë regjisorja Dervishi. Përkthyesi i njohur Artur Lena, pasi solli në shqip një vepër që rezultoi nga më të suksesshmet në repertorin e teatrit "Aleksandër Moisiu" komedinë brilante "Seancë e jashtëzakonshme në parlament", vjen këtë herë me një propozim te ri, një përkthim të një komedie që është “Shirli Valentina”. E vënë në shumë skena të botës është edhe fituese e çmimit “Lorenc Oliver” si Komedia më e mirë e vitit 1988. Përmes humorit tregohet një udhëtim i jashtëzakonshëm i një gruaje të zakonshme. Shirli Valentina, vjen nga një aktore që mishëron si humorin ashtu dhe ngrohtësinë, si vrullin ashtu dhe kurajon, si sarkazmën e po aq natyrshëm dhe autoironinë, Olta Daku, e cila përmes Shirlit fton për të besuar se nuk është asnjëherë shumë vonë për të realizuar ëndrrat. Kjo komedi klasike dhe moderne, nga e cila sipas regjisores Dervishi publiku do të vazhdojë të buzëqesh gjatë edhe pasi shfaqja të ketë mbaruar, do të kurohet si në skenë ashtu dhe në kostume nga Laedia Hajdari. Më herët regjisorja Driada Dervishi ka treguar se roli kryesor Shirli është për aktoren Olta Daku dhe duket se është i shkruar për enkas për atë. Mënyra e të ndërtuarit të frazës të duket si një humor i përditshëm, por brenda ka dhe një lloj ironie dhe poezie, që sipas regjisores Dervishi janë virtyte që ajo i ka si aktore në skenën e teatrit.

/Agjensia e Lajmeve Sot News/

Na Beni Like Ne Facebook: 
Total votes: 37

Lajme nga e njejta kategori

Postuar: 17/08/2018 - 07:28

Nga janari i këtij viti deri në muajin qershor kalaja e Porto Palermos është vizituar nga rreth katër mijë turistë.

Postuar: 17/08/2018 - 07:27

 Festivali i muzikës “Vox Baroque” vazhdon koncertet në një edicion të posaçëm n

Postuar: 17/08/2018 - 07:25

 Teatri në vend larg vëmendjes së shtetit dhe artistët përballen me jo pak vështirësi në zhv

Postuar: 16/08/2018 - 07:40

Bylis një nga qendrat më të rëndësishme arkeologjike të Shqipërisë për periudhën kohore janar-kor

Postuar: 16/08/2018 - 07:39

Festivali “Metrofest” do të vijë në edicionin e dytë në sezonin e ri artistik në vjes

Postuar: 16/08/2018 - 07:37

Dy kostume tradicionale nga zona e Strugës janë tashmë pjesë e koleksionit të Muzeut Historik Kom

Postuar: 16/08/2018 - 07:35

Biblioteka Kombëtare ka kufizuar shërbimin e saj publik.