Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Open Cinema”, me filma shqiptarë dhe të huaj në Belsh

Postuar: 23/06/2019 - 08:03

 "Open Cinema" sezonin e tretë e nisi në qytetin e Belshit, ku për shtatë net me radhë u shfaqën filma të ndryshëm. Tashmë ky format me filmat ka krijuar shtratin e tij dhe pritet me shumë interes në qytetet e ndryshme të vendit. Ashtu si vjet në verën e nxehtë ky event i rëndësishëm edhe këtë sezon të tretë në Belsh solli në vëmendjen e publikut shqiptar projeksionet më të mira të kinemasë shqiptare dhe asaj të huaj. E veçanta në këtë vit ishin prodhimet e filmit të animuar shqiptar, të cilat u ndoqën nga moshat e vogla dhe jo vetëm. I konceptuar si një show kinematografik “Open Cinema” mblodhi para ekranit të madh emra të njohur të kinemasë shqiptare si aktorë, regjisorë, kineastë etj. Mbrëmjet magjike me filmin u shoqëruan edhe me këngëtare, që performuan muzikën e njohur shqiptare duke sjellë emocione të bukura për filmin. Aktiviteti 15-21 qershor startoi në pedonalen e bukur buzë liqenit të qytetit Belsh. “Open Cinema” niste çdo mbrëmje nga ora 8:30 dhe mbaronte rreth orës 1:00 pas mesit të natës një maratonë e vërtet e filmit. Aktiviteti u zhvillua nën kujdesin e veçantë të kryetarit të Bashkisë Belsh z. Arif Tafani. Natën e parë shkelën tapetin e kuq emra të njohur të kinemasë sonë si aktorët Birçe Hasko, Bujar Asqeriu, Suela Konjari, Gentian Hazizaj etj. Sipas producentit të këtij aktiviteti me filmat kienastit Skënder Jaçe ky program u përcoll me emocione nga të pranishmit. “Qyteti i Belshit përjetoi për 7 ditë emocione të papërsëritshme, që vetëm kinemaja di të përcjelli”, tha Jaçe. Pjesë e këtij projekti është dhe filmi artistik “Sfida” me skenar dhe regji nga Lulzim Sula. Në rolet në film përmendim aktorët Birçe Hasko, Suela Konjari dhe Bujar Asqeriu. Muzika në filma është shkruar nga Aleksandër Vezuli.  Në qendër të filmit “Sfida” është një grua, e cila ka ngritur një fasoneri me kurajo të madhe, duke u përballur me konkurrencën dhe një treg të vështirë në këtë fushë, qeraja e lokalit, siguracionet, rrogat e grave të punësuara, etj. Kur tregu për shitjen bëhet i vështirë, e sjellin atë në pozita të vështira falimentimi. Si do të vejë fundi i kësaj gruaje të dëshpëruar, e cila jeton e vetme me vajzën e saj? Gjithmonë në jetë ka një forcë energjie, që qënies njerëzore i jep kurajo, për të arritur që të jetë diçka në jetë, duke menaxhuar mirë personalitetin njerëzor. Aktiviteti “Open Cinema” organizohet nga Production Cinemania, me mbështetjen e Media Desk Albania, Qendra Kombëtare e Kinematografisë, Bashkia Belsh, etj.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 12/11/2019 - 07:42

E hëna për muzeun kombëtar të fotografisë “Marubi”, është dita që i kushtohet publikimit të materialeve të arkivës.

Postuar: 12/11/2019 - 07:39

Panairi i Librit në Tiranë mbërrin në edicionin e tij të 22.

Postuar: 12/11/2019 - 07:38

Kalaja e Beratit është vizituar nga 131.157 vizitorë në dhjetë muaj.

Postuar: 12/11/2019 - 07:35

Drama “Zogu i Zi” vjen këtë fundjavë për publikun në skenë te “ArTurbina”

Postuar: 10/11/2019 - 07:50

Piktori i njohur Anastas Kostandini i vlerësuar me aktivitetin tij brenda dhe jashtë vendit, së f

Postuar: 10/11/2019 - 07:48

Shfaqja “Collective Trip 7.0” vjen në skenë për publikun me interpretimin e artistëve

Postuar: 10/11/2019 - 07:47

 Për kinematografinë në vend flitet shumë, por me probleme janë dhe prodhimet e filmave të r