Lajme të tjera
BREAKING NEWS

Paketa e Biznesit në mbështetje të çdo biznesi shqiptar

Paketa e Biznesit në mbështetje të çdo biznesi shqiptar
x

Kultura

“Opera on tour”, TOB: Ndikoi në përmirësimin e jetës kulturore të qyteteve

“Opera on tour”, TOB: Ndikoi në përmirësimin e

Teatri i Operës dhe Baletit se projekti “Opera on tour”, përmes shfaqjeve në skena të ndryshme të qyteteve të vendit ka ndikuar në përmirësimin e jetës kulturore dhe artistike. Në këto skena përmendim operën ““Die Fledermaus” apo dhe baletin “Zhizel”, ku TOB shprehet se janë dhënë në Fier dhe Korçë. “Teatri Kombëtar i Operas dhe Baletit gjatë projektit “Opera on tour”, ka ndikuar në përmirësimin e jetës kulturore dhe artistike të qyteteve kryesore të vendit, duke rritur ndjeshëm edhe numrin e spektatorëve. Teatri “Bylis” në Fier mirëpriti në datat 14 dhe 15 tetor të vitit 2019 operën “Die Fledermaus”. Teatri “Andon Zako Çajupi” në Korçë mirëpriti në datat 1 dhe 2 nëntor të vitit 2019 operën “Die Fledermaus””, shprehet TOB, ndërsa ka publikuar dhe se teatri i Korçës mirëpriti në datat 28 dhe 29 mars të vitit 2019 baletin “Zhizel”. Balet me dy akte me muzikë të Adolphe Adam, “Zhizel” është i ndërtuar mbi motivet e një legjende të lashtë gjermane me koreografi të J.Perrot, J.Corrali, M.Petipa. “Baleti “Zhizel” erdhi si origjinali, që ka vendosur maestro Agron Aliaj. Balet me skenografi të re, duke u bazuar tek origjinali dhe kostumografi të re nga Ardi Asllani. “Lakuriqi i natës” është një operetë nga Johann Strauss ( i biri i kompozitorit me të njëjtin emër). Muzikantit iu deshën vetëm 43 ditë për të përfunduar veprën, e cila do t’i jepte atij famën. Opereta “Lakuriqi i natës” erdhi përmes muzikës, arieve dhe valseve në skenë, me artistët më të njohur të Teatrit të Operës dhe Baletit. Në qytetin e Korçës vepra erdhi me regji dhe koreografi nga Renato Zanella dhe dirigjente Deniola Kuraja. “Lakuriqi i natës” ofron një komedi situatash dhe ngatërresash, që në të vërtetë i has edhe sot. Gra e burra kurorëshkelës, gjyqtarë e drejtorë burgjesh të korruptuar, politikanë pijedashës, artiste mendjelehta dhe shërbëtore që duan të arrijnë nivelet e zonjave të tyre. Opereta “Lakuriqi i natës” është historia e Eisenstein. Në festën e vitit të ri ai duhet të ishte në burg, pasi goditi një oficer policie. Atë mbrëmje pasi e gënjeu bashkëshorten Rosalinde, shkon në ballon me maska të princit bujar Orlofsky. Ajo e di këtë dhe e ndjek, duke u prezantuar në festë si një konteshë hungareze. Pas identiteteve të rreme, Eisenstein përpiqet të joshë konteshën, pa e ditur që pas maskës është bashkëshortja e tij.