Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Panairi “Winter Wonder” pret në Bruksel artistët shqiptarë

Postuar: 23/11/2017 - 07:43

Nga data 24 Nëntor deri në 31 Dhjetor, Tirana do të bëhet pjesë e njërit prej panaireve më të rëndësishëm të dimrit, i njohur si “Winter Wonder”, i cili zhvillohet çdo vit në Bruksel, ku është një mundësi fantastike për promovimin e kulturës, historisë dhe turizmit tonë. Artistët nga Qendra Kulturore “Tirana” do të jetë pjesë e panairit. Kryetari i Bashkisë së Tiranës, Erion Veliaj, mirëpriti para nisjes delegacionin shqiptar, që do të përfaqësojë kryeqytetin dhe traditat e vendit tonë në panairin më të njohur të Europës. Duke u uruar mbarësi përfaqësuesve tanë në Panairin e Brukselit, Veliaj ftoi të gjithë shqiptarët kudo ku janë që të bëhen pjesë e këtij aktiviteti dhe të vizitojnë stendën shqiptare. “Ftojmë dhe i mirëpresim të gjithë shqiptarët që jetojnë në Bruksel, në Hollandë, në Gjermani, në të gjithë Europën Veriore, kush ka dëshirë edhe nga Shqipëria, apo vende të tjera, të na bashkohen. Kështu që, për të gjithë shqiptarët që përgatisin festat në Europën Veriore, pikëtakimi është sheshi kryesor në Bruksel, në datën 24 nëntor deri në datën 31 dhjetor, ku do t’ju mirëpresim me të gjithë të mirat që ka kjo tokë dhe ky vend”, tha ai. Më tej ai shtoi se përfaqësuesit shqiptarë do të jenë në stendën kryesore. “Një superdelegacioni nga Shqipëria, kryesisht nga Tirana, për Panairin e Vitit të Ri në Bruksel. Ne do të kemi stendën kryesore të Panairit të Brukselit, të mbushur me produkte shqiptare, muzikë shqiptare, kostume shqiptare, do të flasim shqip, do të kemi vallëzime dhe shumë aktivitete, pothuajse në të gjitha 40-të netët e Brukselit. Panairi do të jetë i hapur duke filluar nga data 24 Nëntor e deri për Vitin e Ri dhe besoj se s’ka për të pasur Krishtlindje dhe një Vit të Ri më të mirë, se sa duke vizituar stendën tonë për ushqimet, kulturën, muzikën dhe shoqërinë shqiptare”, vijoi Veliaj. Pjesë e përfaqësimit në Bruksel është dhe Ansambli “Tirana”. Ansambli Folklorik Tirana “Tirana” është themeluar në vitin 1978. Ai vjen nga një traditë e gjatë e ansamblit popullor dhe është i përbërë nga një grupim artistësh, që interpretojnë drejtpërsëdrejti, të cilët mbajnë gjallë, ruajnë dhe kultivojnë muzikën popullore shqiptare. Edhe pse fokusi i tyre është Shqipëria e Mesme, repertori kryesor i Ansamblit Folklorik “Tirana” është i pasur dhe përfshin te gjithë traditat muzikore të mbarë Shqipërisë.

/Agjensia e Lajmeve Sot News/

Na Beni Like Ne Facebook: 
Total votes: 22

Lajme nga e njejta kategori

Postuar: 13/11/2018 - 07:32

"Zoti i Masakrës" komedia brilante e Yasmina Reza në Shkodër mbrëmjen e së martës dhe të mërkurës. Një vepër e cila përmban konfliktin që në fillim.

Postuar: 13/11/2018 - 07:30

Ansambli Kombëtar i Këngëve dhe Valleve Popullore do të zhvillojë dy koncerte në Gjermani.

Postuar: 13/11/2018 - 07:29

Piktorët në aktivitetin e tyre vazhdojnë krijimtarinë, duke u përballur me probleme të cilat prej

Postuar: 12/11/2018 - 22:49

Mungesa e sistemit të ngrohjes dhe ajrimit të sallës kryesore në Teatrin “Zihni Sako”

Postuar: 11/11/2018 - 08:09

Drama “Ditari i Ana Frank" në regjinë e Armela Demaj vjen premierë në skenën e Teatrit

Postuar: 11/11/2018 - 08:06

Aktori i njohur Luftar Paja shprehet se në teatrin shqiptar problem mbetet mungesa e regjisorëve.

Postuar: 10/11/2018 - 07:34

 Shfaqja teatrore “At Sergi”, mbështetur në novelën me të njëjtin titull të Tols