BREAKING NEWS

Maturantët çohen në protestë para Qendrës për Shërbimin Arsimor, reagon 'flakë për flakë' ministrja Evis Kushi, tregon vendimin që pritet

Maturantët çohen në protestë para Qendrës për
x
BREAKING NEWS

Priten zhvillime të rëndësishme! Socialistët mbledhin sot Kongresin e jashtëzakonshëm në stadiumin “Air Albania”, rizgjidhen strukturat. Zbardhet e gjithë axhenda

Priten zhvillime të rëndësishme! Socialistët mbledhin sot
x
BREAKING NEWS

“Për të gjithë ata që i japin PS diçka sado të vogël”, Rama del me mesazhin e fuqishëm për të gjithë socialistët

“Për të gjithë ata që i japin PS diçka sado
x
BREAKING NEWS

PS mbledh sot Kongresin, paralajmërohet furtunë në parti dhe në administratë, emrat me më shumë vota drejt katapultimit në qeveri

PS mbledh sot Kongresin, paralajmërohet furtunë në parti dhe
x
BREAKING NEWS

Shantazhet e Berishës ndaj SHBA për të marrë PD, blof për të rritur pazarin, deputetët demokratë kundër rikthimit të tij

Shantazhet e Berishës ndaj SHBA për të marrë PD, blof
x

Kultura

Piro Mani ndahet nga jeta, Margarita Xhepa e Mevlan Shanaj: Ishte maja më e lartë teatrore e skenike, do mbetet babai i regjisurës shqiptare

Piro Mani ndahet nga jeta, Margarita Xhepa e Mevlan Shanaj: Ishte maja më e

Regjisori dhe aktori Piro Mani “Nderi i Kombit” ndërroi jetë të enjten në moshën 89-vjeçare. Me një kontribut të madh në artin shqiptar, për artistët ndarje e tij nga jeta është një humbje e madhe. Artistë të ndryshëm mes dhimbjes, shprehen se të punoje me regjisorin Piro Mani ishte një shkollë e madhe. Për aktoren e njohur Margarita Xhepa, regjisori Piro Mani ishte babai i regjisurës shqiptare. “Jam pa fjalë, sepse është një humbje e madhe. Piro Mani me të vërtetë kishte disa vite që nuk e kishim pranë këtu, sepse ishte në Amerikë, por ai ka qenë gjithmonë me ne. Është dhe mbetet babai i regjisurës shqiptare. Kam pasur fatin të punoj me të. Ai plus shkollës së madhe që kishte marrë në Bashkimin Sovjetik, ishte një burrë i mençur dhe plot fantazi dhe intutitë. Ngjiti në skenë jetën dhe të gjitha ngjyrat njerëzore”, shprehet ajo. Aktorja Maragrita Xhepa vlerësuar “Nderi i Kombit”, thotë se të punoje me regjisorin Piro Mani ishte një shkollë, dhe ai është emri i madh i regjisë shqiptare. “Shfaqjet e tij dallohen për karakteret nga më të bukurat dhe nga më të vërtetat e jetës me art të madh. Të punoje më Piro Manin ishte shkollë e madhe teatrale, dhe në të gjitha shfaqjet e tij punohej me kënaqësi të jashtëzakonshme. Ishte një regjisor me kulturë dhe e donte artin, punonte me dashuri, kishte respekt për artistët. Piro Mani është emri i madh i regjisurës shqiptare”, thotë aktorja. Regjisori Mevlan Shanaj e cilëson një legjendë, që jo vetëm hyri në histori dhe kujton edhe rolin e Sali Protopapës. “Piro Mani nga fillimi i viteve ‘60 solli në Shqipëri teatrin modern të kohës. Realizimet e tij në teatrin e Korçës e vendosën atë në fronin mbretëror të regjisurës teatrore. Sot mund të themi se ai është maja më e lartë teatrore skenike shqiptare, në të cilën kulmojnë karakteret e panumërta të aktorëve, mjafton të kujtojmë “Arturo Ui”, “Hijet e natës”, “Gjeneralin e ushtrisë së vdekur”, “Pamje nga ura”, etj. Mos harroni interpretimin antologjik të Sali Protopapës. Lamtumirë legjendë, që jo vetëm hyre në historinë e skenës, por prej sot hapen memuaret për brezat që vijnë”, thotë Shanaj “Mjeshtër i Madh” në mesazhin tij. Aktorja Zamira Kita shkruan se regjisori Piro Mani la pas një histori të pasur të teatrit shqiptar. Drejtoresha e teatrit të Korçës Zamira Kita e cilëson gjiganti i teatrit. “Do më mungojnë bisedat e tua në telefon, këshillat e tua, mirësia dhe historitë e bukura të teatrit! Ti le pas një histori të pasur, të teatrit shqiptar! Ti ishe dhe do të ngelesh, legjendë! Kurrë nuk do të harrojë Korça dhe Shqipëria! Lamtumirë gjigand i teatrit!”, shprehet ajo. Mesazhe të shumta shpërndanë dje artistët, por dhe personalitete të politikës shqiptare. Në nder të regjisorit Piro Mani nderuar me titullin “Nderi i Kombit”, Teatri Kombëtar shkruan se fton të gjithë komunitetin artistik dhe publikun e gjerë këtë mbrëmje për një homazh të fundit në nder të ikonës së skenës shqiptare, në sheshin përpara “ArTurbinës”.

 Jeta dhe vepra

Piro Mani lindi në 14 prill të vitit 1932 në Korçë. Ai është një nga personalitetet më të shquar në historinë e teatrit shqiptar. Regjisor dhe pedagog i shkëlqyer, për 25 vjet punoi në Teatrin Kombëtar. Studioi në Institutin Shtetëror të Artit Teatror, GITIS, në Moskë. Pas kthimit në atdhe u emërua regjisor i teatrit “A. Z. Çajupi”, Korçë, të cilin e drejtoi me sukses për rreth tetë vjet. Që nga 1967-1992 ka qenë regjisor i Teatrit Kombëtar, ku ka vënë me dhjetëra pjesë teatrale. Në karrierën e tij artistike numëron mbi 80 shfaqje. Është nderuar me shumë çmime. Është mjeshtër i regjisë e skenave masive, njohës i thellë i mizanskenës. Shfaqjet kulminante janë "Cuca e maleve", “Fytyra e dytë”, "Arturo Ui", "Gjenerali i ushtrisë së vdekur", “Epoka para gjyqit”, "Nata e 12 -të", “Prometeu”, etj. Është angazhuar edhe në disa filma artistikë. Ka fituar shumë çmime dhe është nderuar me titullin e lartë “Artist i Popullit” dhe “Nderi i Kombit”. Prej disa vitesh jetonte në Nju Jork, SHBA, së bashku me të shoqen, aktoren e mirënjohur Pavlina Mani dhe familjen.