BREAKING NEWS

Thellohet tragjedia për familjen nga Vora, babain ia vrau gjyshi dhe nëna ndodhet në burg, aksidentohet për vdekje djali i Kudret Saliajt. Ishte duke udhëtuar me...

Thellohet tragjedia për familjen nga Vora, babain ia vrau gjyshi dhe
x
BREAKING NEWS

Aksident i rëndë! Makina përplas për vdekje djalin e Kudret Saliajt

Aksident i  rëndë! Makina përplas për vdekje djalin e Kudret
x
BREAKING NEWS

"Berisha ka marrë huqet e Lulit", ish deputeti: Njerëzit duan Big Brother-in, jo fantazitë e Saliut

"Berisha ka marrë huqet e Lulit", ish deputeti: Njerëzit
x
BREAKING NEWS

Berisha e sfidon ‘Live’, Rama e pret në takim, ja data

Berisha e sfidon ‘Live’, Rama e pret në takim, ja data
x
BREAKING NEWS

'Perla' e deputetit Korreshit/ Çfarë tha deputeti që shkriu së qeshuri studion (VIDEO)

'Perla' e deputetit Korreshit/ Çfarë tha deputeti që
x
BREAKING NEWS

Baton Haxhiu zbardh prapaskenat e udhëtimit me Ramën dhe Duçkën dhe ngre dyshime të forta: Doriani ka pasur një trajtim të veçantë në Kiev, më bënë përshtypje çantat…

Baton Haxhiu zbardh prapaskenat e udhëtimit me Ramën dhe
x
BREAKING NEWS

"Kryeministri duhet të përballet me të vërtetën", Dash Shehi reagon për skandalin “McGonigal”: Rama duhet të japë dorëheqjen!

"Kryeministri duhet të përballet me të
x
BREAKING NEWS

Ministria e Financave del me njoftimin e rëndësishëm, ja çfarë do të ndodhi me inflacionin gjatë vitit 2023

Ministria e Financave del me njoftimin e rëndësishëm, ja
x

Kultura

Premiera e filmit të restauruar “Tana” prodhim i vitit 1958  shfaqet në Korçë

Premiera e filmit të restauruar “Tana” prodhim i vitit 1958

Në vitin 1957 grupi i xhirimit të filmit “Tana” ishte në Korçë, për realizimin e këtij prodhimi artistik shqiptar. Prodhim i vitit 1958 me regji nga Kristaq Dhamo, mbrëmë u shfaq dhe premiera e filmit të restauruar “Tana”. Arkivi Qendror Shtetëror i Filmit në bashkëpunim me teatrin “Andon Zako Çajupi” realizuan shfaqjen e kësaj premiere, ku ishte e ftuar dhe aktorja Tinka Kurti, që dekada më parë lozi në film. Sipas AQSHF-së me shfaqjen e këtij filmi vihet në vend dhe porosia e regjisorit Kristaq Dhamo për të respektuar e falënderuar Korçën, që mikpriti me dashuri grupin e xhirimit në vitin 1957. “Dhe vuri në dispozicion gjithçka duhej për realizimin e filmit “Tana””, shkruan arkivi. Nikolla Llambro një nga emrat e njohur të filmit shqiptar me role të ndryshme në prodhime të Kinostudios para viteve ’90, thotë se “Tana” është film me rëndësi jo vetëm artistike, por dhe historike. “Filmi “Tana” është guri i parë i themelit për filmin e bukur e shqiptar”, shprehet aktori i njohur ndër të tjera. Ngjarjet në filmin “Tana” zhvillohen në vitet ‘50. Në qendër të filmit është Tana, një vajzë e zgjuar dhe me mendime të përparuara. Ajo dashuron Stefanin, i cili banon në një fshat të varfër malor. Tanës i del përpara mentaliteti i vjetër i gjyshit të saj si dhe xhelozia e Lefterit. Është një lojë dashurie drejt përparimit. Këtu është realizuar puthja e parë në filmat shqiptarë. Aktorë janë Tinka Kurti, Naim Frashëri, Pjetër Gjoka, Kadri Roshi, Andon Pano, Marie Logoreci, Ilia Shyti, për të vijuar dhe me të tjerë në role.

Puna me filmin

 Versioni i restauruar u bë i mundur falë mbështetjes dhe bashkëpunimit të AQSHF-së me Cinegrell (Zvicër) dhe PostFactory (Gjermani), me supervizimin e kuratores Louise Burkart. Filmi “Tana” me regji nga Kristaq Dhamo u shfaq premierë më 17 gusht të vitit 1958. Skenari i filmit është shkruar nga Kristaq Dhamo, Fatmir Gjata dhe Nasho Jorgaqi. Muzika e filmit “Tana” është shkruar nga kompozitori Çesk Zadeja. Para shfaqjes së filmit, kineasti dhe producenti Skënder Jaçe shprehej se me këtë premierë kujtohet regjisori Kristaq Dhamo. “Pas 65 vitesh, Korça mirëpret me interes filmin e parë shqiptar të metrazhit të gjatë "Tana" kopje e restauruar. Duke kujtuar kështu dhe regjisorin e filmit Kristaq Dhamo”, tha ai. Jaçe shprehet me vlerësime për punën e regjisorit. Sipas tij edhe filmi “Tana” tingëllon bukur. “Kristaq Dhamo është babai i regjisurës shqiptare. Ka përdor mirë dramaturgjinë në film, planet e afërta. Po ta shikosh dhe “Tana” tingëllon bukur dhe ka një kamera të mrekullueshme pikërisht në saj të shkollës që Kristaq Dhamo kishte. Jo vetëm si regjisor ishte i mirë, por ishte dhe ndihmues i mjaft kineastëve në Kinostudio dhe ka ndihmuar gjithë ato breza, duke u dhënë asistencë në atë kohë që mungonin kuadrot e parë. Ai mbetet një nga regjisorët emblematikë”, shprehet Jaçe. Kristaq Dhamo (20 prill 1933- 14 gusht 2022) mbaroi studimet në Institutin e Lartë Kinematografik në Budapest, Hungari.